गोरखा सेवा समाज कतारको १३औं  अधिवेशन तथा सांस्कृतिक कार्यक्रम दोहाको सनैया स्थित वइलफेयर रेस्टुरेन्टको सभाहलमा शुक्रबारका वैसाख १६ भव्यरूपमा सम्पन्न भएको छ । गोरखा सेवा समाजका अध्यक्ष श्री ओमराज गुरुङको अध्यक्षतामा सम्पन्न भएको उक्त कार्यक्रममा ग्लोवल गोरखा समाजका उपाध्यक्ष, गैर आवासीय नेपाली संघ अन्तर्राष्ट्रिय समन्वय परिषदका मध्यपूर्व उप-संयोजक श्रीकृष्ण भट्टराईको प्रमुख आतिथ्यता रहेको थियो ।  

सन् २००३ मा स्थापना भएको गोरखा सेवा समाज कतारको नेपाली समुदायको अग्रणी संस्था हो । स्थापनाकालदेखि नै परोपकारी सामाजिक कार्यमा अग्रसर रहेको यो संस्थाले जिल्ला अस्पतालमा एउटा इसिजी मेसिन, चारवटा स्ट्रेचर बेड, विद्यालय भवन निर्माणमा सहयोग गर्दै हाल पच्चीस लाखको अक्षयकोष खडागरि जिल्लाका विभिन्न विद्यालयका विपन्न, असहाय र संरक्षित बालबालिकाहरूलाई सहयोग गर्दै आइरहेको प्रतिवेदनमा उल्लेख गरिएको थियो । नेपाली कला भाषा र संस्कृतिको संरक्षण र प्रबर्द्धन गर्न  मनकामना कला केन्द्र सञ्चालनमा ल्याइ कलाकार उत्पादन र मौलिक कल्चरको जगेर्ना गर्न सफल भएको संस्थाका संरक्षक बुधबल गुरुङले बताएका थिए । समाजले जिल्ला भित्रका सडक गल्लीहरूमा  भौँतारिरहेका बेसाहाराहरूलाई सेवा गर्न मानव सेवा आश्रमसँग  हातेमालो गर्दै विभिन्न जनचेतनामूलक , ज्ञानवर्दक र मानव मुक्त गोरखा बनाउन चरणद्ध रुपमा काम गर्दै आइरहेको र भर्खरै मात्र पनि मानव सेवा आश्रमलाई पाँच लाख एघार हजार एक सय एघार रुपैयाँ हस्तान्तरण गरेको राकेश श्रेष्ठले जानकारी दिए । प्रमुख अतिथि भट्टराईले २००३ मा स्थापना भएर वर्तमानसम्म  आइपुग्दा समाजले गरेको योगदान लाई हृदयङ्गम गर्दा आफू गौरवान्वित भएको  बताउँदै संस्थाले गरेका कामहरुको प्रंशसा गरेका थिए ।

गोरखा समाज कतारको १३औ अधिबेशनबाट ०२५ - ०२७ कार्यकालको लागि निर्वाचित कार्यसमिति सदस्यहरू  :  ०१, अध्यक्ष : विकाश श्रेष्ठ ०२, वरिष्ठ उपाध्यक्ष  : अर्जुन संग्रौला  ०३, उपाध्यक्ष : राजेन्द्र पराजुली  ०४, उपाध्यक्ष : रामचन्द्र गिरि ०५, महासचिव : रुद्रबहादुर भट्ट ०६, सचिब : पवन गुरुङ ०७, सचिव  : पुर्णबहादुर गुरुङ ०८, काेषाध्यक्ष : अशोक श्रेष्ठ  ०९, सह काेषाध्यक्ष : दिनेश थापा  • नगरपालिका तथा गाउँपालिका संयोजकहरू  : १०, पालुङटार न.पा. : नन्दलाल श्रेष्ठ  ११, सिरानचोक गा.पा. : सुर्यबहादुर गुरुङ १२, अजिरकोट गा.पा. : राजु गुरुङ १३,शहिदलखन गा.पा. : दीपक वि .क १४, सिरानचोक गा.पा. : सुर्यबहादुर गुरुङ १५, अजिरकोट गा.पा. : राजु गुरुङ १६, आरुघाट गा.पा. : रश्मी गुरुङ १७, केन्द्रीय सदस्य : दुर्गा भुजेल  १८, केन्द्रीय सदस्य : मालती गुरुङ   १९, केन्द्रीय सदस्य : मदन बखाती २०,केन्द्रीय सदस्य : प्रदिपमल्ल ठकुरी रहेका छन् l