यमनको समुद्री तटमा एउटा ठूलो दुर्घटना भएको एपीले जनाएको छ । संयुक्त राष्ट्र संघको एक संस्था अन्तर्राष्ट्रिय आप्रवासन संगठनले दिएको जानकारी अनुसार आइतबार १६६ जना अफ्रिकी आप्रवासी बोकेको एउटा डुङ्गा अचानक पल्टियो। यो दुर्घटनामा कम्तिमा ६८ जनाको मृत्यु भएको छ भने ७४ जना अझै बेपत्ता छन्।

यो दुःखद घटना यमनको अब्यान प्रान्तको सामुद्रिक क्षेत्रमा भएको हो। डुङ्गामा सवार सबै मानिसहरु इथियोपियाबाट आएका थिए। अन्तर्राष्ट्रिय आप्रवासन संगठनलेका यमन प्रमुख अब्दुसत्ताोर एसोइभले दिएको जानकारी अनुसार, यो डुङ्गामा १५४ जना मानिस थिए। यसमध्ये १२ जनालाई मात्रै सकुशल उद्धार गर्न सकिएको छ।

बाँकी मध्ये, ५४ जनाको शव खनफर जिल्लाको किनारमा फेला परेको छ। अन्य १४ जनाको शव अर्को ठाउँमा भेटिएको र त्यसलाई अस्पतालको मुर्दाघरमा लगिएको छ। एपीका अनुसार यस क्षेत्रमा यस्ता दुर्घटनाहरु अक्सर हुने र धेरै मानिसहरुले यसरी ज्यान गुमाउने गर्छन्। बेपत्ता भएकाहरुको खोजी कार्य जारी रहेको छ।

स्मरणीय : समाचार न्युज एजेन्सीहरूको सहयोगमा तयार गरिएको छ l