संयुक्त राज्य अमेरिकामा हिमपात र अत्यधिक चिसोका कारण ९० भन्दा बढीको मानिसको मृत्यु भएको छ । सिबिएस न्यूजको तथ्याङ्क अनुसार अत्यधिक चिसो मौसमका कारण बिभिन्न राज्यहरुमा ९० जना मानिसको मृत्यु भएको छ जनाएको छ।

टेनेसी स्वास्थ्य विभागले २५ वटा मौसम-सम्बन्धित मृत्युको पुष्टि गरेको छ। यसै गरि ओरेगनमा कम्तिमा १६ जनाको मृत्यु भएको छ, जसमा तीन जना वयस्कहरू छन । उनीहरुको गाडी माथि रूख खसेको थियो। सिबीएस न्यूजले जनाए अनुसार उक्त दुर्घटनामा एक बच्चा बाँचेको समाचार लेखेको छ । सयुक्त राज्य अमेरिकाको इलिनोइस, पेन्सिल्भेनिया, मिसिसिपी, वाशिंगटन, केन्टकी, विस्कन्सिन, न्यूयोर्क, न्यू जर्सी र थपमा अन्य राज्यमा धेरै मानिसको मृत्यु भएका समाचारहरु प्रकाशित भएका छन ।

सिबिएस न्यूजका अनुसार कतिपय मृत्युहरू चिसो मौसमसँग सम्बन्धित भनी पुष्टि गर्न अनुसन्धानमा छन्। यसमा केन्टकीमा पाँच-तर्फी सवारी साधन दुर्घटनामा मारिएको एक व्यक्ति र इलिनोइसमा भएको दुर्घटनामा चार जनाको मृत्यु भएको थियो । केही राज्यहरूले चालकहरुलाई हिमपात र सडकमा हिउँका कारण चिप्लने भएकोले सडकहरूमा अतिरिक्त सावधानी अपनाउन चेतावनी दिइएको छ । मिसिसिपीका अधिकारीहरूले आफ्ना बासिन्दाहरूलाई सडकहरूमा कालो बरफबाट सजग रहन र अत्यवसेक भएमा मात्र गाडी चलाउन आग्रह गरेका थिए । यो साताको अन्त्यसम्म अमेरिकामा खतरनाक चिसो मौसम जारी रहने जनाएको छ । करोडौ मानिसहरू कडा चिसोको सामना गरिरहेका छन् ।

राष्ट्रिय मौसम विभागका अनुसार आइतबार रातीदेखि सोमबारसम्म देशको ठूलो भूभागमा गाडी चलाउन खतरनाक हुनेछ। चिसो वर्षाले दक्षिणी मैदानहरू, मध्य-मिसिसिपी उपत्यका र ओहायो उपत्यकाका भागहरूलाई असर गर्ने पूर्वानुमान गरिएको छ। पेन्सिल्भेनिया, क्यालिफोर्निया, न्यू मेक्सिको र इन्डियानामा अन्य बिजुली बिच्छेद भएको विवरण दिइएको छ ।