काठमाडौँ - चर्चित युवा गायक, नेपाल आईडल सिजन-५ विजेता करण परियारले पहिलो पटक म्यूजिक भिडियोमा मुख्य पात्र र  मोडल बनेर अभिनय गरेका छन् । करण परियारले गायनकासाथै पहिलो पटक अभिनय गरेको म्यूजिक भिडियो अमेरिकामा रहेका करणका शुभचिन्तकहरूले प्रायोजन गरेका हुन् l 

करणकै सर्वाधिकार रहने गरी करण परियार यूट्यूब च्यानलबाट यहीं अक्टोवर १ तारिख म्युजिक भिडियो सार्वजनिक गर्ने तयारी गरिएको कुरा अमेरिका संयोजक शशी सिंहले जानकारी गराएका छन् । प्रसिद्ध संगीतकार संगीतरत्न संगीतकार शम्भूजित बास्कोटाको सुमधुर सङ्गीत रहेको छ l

गीत रचना सामाजिक अभियन्ता, लेखक ,पत्रकार, कृषि उद्धमी प्रदीप परियार थापाको “तिम्रै आँखाबाट संसार हेर्ने मन छ” रहेको छ l प्रदीप थापा त्यस्ता व्यक्ति हुन् जसले जातीय छुवाछुत र विभेद अन्त्यको सिद्धान्त व्यवहारिक दृष्टान्तमा  अनुवाद गरेका छन् l कारण परियार र सोह्र वर्षीय किशोरी गायिका जारा रीत प्रसाईको युगल स्वरमा सजिएको गीत उत्कृष्ट रहेको सर्जकहरूको दाबी छ l 

जारा वरिष्ठ संगीतकार बास्कोटाकी नातिनी हुन् । म्यूजिक भिडियोमा गायक करणकासाथ चर्चित कलाकार मोडल, नायिका सुजल बम र गायिका, मोडल एवं अन्तराष्ट्रिय स्वर्ण पदक विजेता तेक्वाण्डो खेलाडी नन्दा बस्यालको अभिनय रहेकोछ । म्यूजिक भिडियोको निर्देशन चर्चित कोरियोग्राफ़र मौसम हिमालीले गरेका छन् ।

गायक, संगीतकार, रचनाकार, मोडल र कोरियोग्राफर सबैको आ-आफ्नै विशिष्ट व्यक्तित्व, चिनारी, प्रतिभा र सम्भावना भएको र करण परियारको स्वामित्वमा रहने यूट्यूब च्यानल हुने भएकोले पनि म्युजिक भिडियोले  तहल्का मच्चाउने विश्वाश गरिएको छ l