तिमी ज्ञानका दीप सन्मार्ग दाता ।
तिमी प्रेरणा भाग्यका हौ विधाता ।।
तिमी दीप हौ जल्न हर्दम तयार ।
तिमी शक्तिको स्रोत जो हौ अपार ।

                ।१।।
तिमी ज्ञानका बीज छर्छौ अनेक ।
तिमी खोल्दछौ ज्ञानका द्वार धेर ।।
तिमी खुल्दछौ बागमा फूल रोपी ।
तिमी भुल्दछौ कर्ममा दुःख छोपी ।

                ।२।।
तिमी तेजिलो सूर्यका हौ प्रकाश ।
तिमी आस हौ खास डाक्ने प्रभात ।।
तिमी ज्ञानको भोक मेट्ने नथाकी ।
तिमी योजनाकार हौ विश्वव्यापी ।

                ।३ ।।

सबै अन्धविश्वास फालेर चेत ।

तिमी भर्द्छौ बुद्धि सारा विवेक ।।

तिमी हाँस्दछौ फूललाई हँसाई l 

तिमी हिंड्छौ लक्ष्यलाई समाइ l 

                 ।४ ।।

तिमी पूज्य संसारमा नाम उच्च ।
लिने गर्वले नाम यौटै पवित्र ।।
तिमी मार्गको चित्र कोर्ने अनेक ।
तिमी नै त हौ लाखमा श्रेष्ठ एक ।

               ।५ ।।