गोरखा पुस, १०, 

 समृद्ध ताकु युवा समाजद्वारा आयोजित प्रथम लाकुरीबोट साविक वडा स्तरिय फुटसल प्रतियोगिता सम्पन्न भएको छ ।

गोरखा बारपाक सुलिकोट गाउँपालिका वडा न ५ ताकुमाझ लाकुरीबोटको साबिक वडा स्तरिय फुटसल प्रतियोगितामामा ९ वटा वडाको १०टिम सहभागिता रहेको थियो । प्रतियोगिताको उद्वघाटन खेल समृद्ध ताकु युवा समाज र गोरखा ताकुकोट सेवा समाज काठमाडौं बिचको मैत्रीपूर्ण रुपमा सञ्चालन भएको थियो।

प्रतियोगिताको उपाधि वडा न ९ रानागाउँले खेल बराबर हुदॅा लक्की ड्र मार्फत आपस्वाँरालाई जित्दै प्रथम स्थान हाँसिल गरेको थियो। विजेता रानागाउँ लाई रू १०,००० रूपैयाँ नगद सहित ट्रफि,मेडल र प्रमाणपत्रले पृरस्कृत गरिएको थियो। द्वितीय हुने टिम आपस्वाँरा लाई नगद रू ५००० रुपैयाँ सहित मेडल, प्रमाणपत्रद्वारा पृरस्कृत गरिएको थियो । प्रतियोगितामा आपस्वाँराका एलेक्स थापा उत्कृष्ट खेलाडी घोषित भए ।

उत्कृष्ट गोलकिपरमा आजिस गुरूङले बाजि मारे भने उच्च गोल स्कोरर मनोज बराम भए उनीहरूले समान एक एक हजार प्राप्त गरे । समापन समारोहमा आयोजक संस्था बिचमा भएको मैत्रीपूर्ण खेल खेल्ने गोरखा ताकुकोट सेवा समाज काठमाडौका खेलाडीलाई प्रमाणपत्र दिएर सम्मान गरिएको थिए। प्रतियोगिताको बिजेता टिम तथा खेलाडीहरूलाई समृद्ध ताकु युवा समाजका अध्यक्ष राजन लामिछाने र गोरखा ताकुकोट सेवा समाज काठमाडौंका अध्यक्ष कृष्ण प्रसाद पनेरूले संयुक्त रूपमा पुरस्कार वितरण गरेका थिए