मेलम्चीको पानी आखिर कसले ल्यायो ?

मेलम्ची पानी ढिलो आयो कडा आयो !  

थोपाथोपा कुर्दै गर्दा बल्ल पुरै घडा आयो 

अब त आएकै हो भन्ने आशा पलायो 

 तर प्रश्न यो छ आखिर कसले ल्यायो ?

? ? ?

हिजोले ल्यायो , आजले ल्यायो कि भोलिले ?

किसुनजीले, प्रचण्डले ल्याए कि केपी ओलीले ?

या विदेशी दाता, ठेकदारले, डकर्मीले,

इन्जिनियर या त्यो हरेक लगानीकर्ता जसले किन्यो शेयर ?

? ? ?

लाज लाग्नु पर्छ आज मेरा दलका नेताले ल्याए भन्न !

३ वर्षको काम  ३ दशक लाग्यो कसरी भुल्यौ गन्न ?

सबैभन्दा ढिलो भएको परियोजनामा  खै के गरूँ गर्व ?

५ अर्बको सुरुवाती लागत,  आखिर लाग्यो ५० अर्ब !

!  !  ! 

नगरौँ "हाम्रा" नेताले गरेर आयो  भन्ने झुटो दम्भ,

सोधौँ आखिर किन भो काममा यस्तो विधि विलम्ब ?

लेख आ-आफ्नै मिडियामा, आफ्नै पत्रकारबाट, आफ्नै झुटो कहानी

३० वर्षमा आउँछ परियोजनाको पानी ! भविष्यमा को गर्ला लगानी ?

! ? ! ? ! ? 

डा. बिष्णु जोशी