काठमाडौं, असोज, ७

राहत शिक्षकहरूले सडक आन्दोलनलाई आइतबार पनि निरन्तरता दिएका छन् ।

नेपाल राहत शिक्षक केन्द्रीय समितिको अगुवाइमा राहत शिक्षकहरुले आइतबार पनि काठमाडौंको माइतीघरदेखि नयाँबानेश्वरसम्म सडकमा प्रदर्शन गरेका छन् । गत शुक्रबार भएको सरकार र शिक्षक महासंघको सम्झौताले 

४० हजार राहत शिक्षक, बाल विकासका शिक्षक र पेन्सन पीडित शिक्षकहरूको माग नसमेटिएको कारण  आफूहरूसँग आन्दोलनमा रहेको आन्दोलन जारी राखेका शिक्षकहरूको भनाइ छ l 

राहत शिक्षकहरूले शिक्षक महासंघले धोका दिएको भन्दै आफूरूको माग पूरा नहुँदासम्म सडक नछोड्ने स्कुल नजाने र  आन्दोलन जारी राख्ने  बताएका छन् ।

 सरकार र शिक्षक महासंघबीच ६ बुँदे सहमति वार्तामा शिक्षक महासंघका प्रतिनिधिले राहत तथा अस्थायी प्रकृतिका शिक्षकको बचाउ गर्न नसकेको,धोका दिएको राहत शिक्षक केन्द्रीय समितिको आरोप छ ।