" मेरो अधिकार सुनिश्चित छ र म ढुक्क छु "

के तिमी मेरो शान्त मन खोस्न सक्छौ  ?

जुन कैंयौं आलोचनामा पनि शान्त बन्न सक्छ ।

के तिमी मेरो कोमल हृदय बदल्न सक्छौ ?

जुन जलेको वनमा कोमल मुना मौलाए जस्तै छ ।

के तिमी मेरो धैर्य खोस्न सक्छौ ?

जसले लाखौं काँडाका बिच नै जिउने आशा राख्दछ ।

के तिमी मेरो प्रेम खोस्न सक्छौ ?

जुन स्वार्थी पलमा पनि प्रेममानै निस्वार्थ डुबिरहन्छ ।

के तिमी मेरो बलिदान खोस्न सक्छौ ?

जो आफै मेटिएर तिमीलाई मनपर्ने मुर्ति बन्न सक्छ ।

के तिमी मेरो शक्ति खोस्न सक्छौ ?

जुन मेरो शक्तिले सृष्टिको आरम्भ हुन्छ ।

प्रकृतिले मलाई सित्तैमा यतिधेरै अधिकार सुनिश्चित गरेको छ ,

र त मेरो जीवन सजिलै सफल बनेको छ,

जसले गर्दा मैले सधैं सुशिल, सहनशील ,

ममताकी खानी, सुन्दरताकी प्रतिमूर्ति ,

यस्ता अनेकौं बन्दनीय, पुजनीय सम्बोधन पाउदै आएकी छु ।

सायद यतिधेरै सम्बोधन गर्दै गर्दा मलाई पनि महसुस गर्ने

तिमी भित्र एउटा मात्र पनि भावना भइदिएको भए ?

अफसोस मेरो स्वरुपको मूर्ति पुज्नेले मलाई बुझ्न चाहदैनन् यहाँ ?

तर  गर्व लाग्छ मेरा अधिकार भूमिसँग मिल्दोजुल्दो रहेछ खुशी लाग्छ ।

म त प्रकृतिको सुन्दर रचयिता पो रहेछु l 

भूमिले जस्तै सुन्दर सृष्टि गर्ने ।

त्यसैले त भूमिले पनि मेरै सम्बोधन पाएकी रहिछिन् ।

प्रतीक्षा नेपाली, पोखरा