काठमाडौँ,फाल्गुन,११-'दलितका लागि दलित अभियान नेपाल', 'आफ्ना लागि आफै'ले फाल्गुन १२ गते काठमाडौँमा बृहत जनप्रदर्शन समुदाय जागरण अभियान गर्दैछ l उक्त अभियान जातीय हिंसामा परेका, जातीय छुवाछुत र भेदभाव विरुद्धको अभियानको रूपमा रहने छ l 

प्रदर्शनमा  देशभर जातीय हिंसामा परेका परिवारको उपस्थिति हुनेछ l नेहा सत्येन्द्रको जोडी पनि सार्वजनिक हुने छन् l रिंकु सदाको परिवार,नवराज विश्वकर्माको परिवार,सेते दमाईको परिवार र सम्झना कामीको परिवार लगायत जातीय हिंसामा परेका परिवारहरू उक्त दिन उपस्थित हुने कुरा खगेन्द्र सुनारले जानकारी दिएका छन् l

यो समाज जागरण र सामाजिक न्यायको विषय हुनाले यसमा दलित मात्र होइन गैर दलित र सामाजिक न्यायका पक्षधर, मानवाधिकारको पक्षमा काम गर्ने,जोकोही सहभागी हुन सुनारले आग्रह गरेका छन् l गत असोज ३ गते बृहत प्रदर्शन गरेको दलितका लागि दलितले फाल्गुन १२ को प्रदर्शन पनि व्यापक हुने आसाका साथ विशेष तयारी गरेको छ l 

कार्यक्रम कुनै अमुक दल विशेषको आयोजना नभएको कारण जुन सुकै दल, समुदाय, सप्रदाय, आस्था, विश्वास र न्यायप्रेमी समुदाय सहभागी हुनेछन् l  दलित जागरण र न्यायको आवाज झन् घनिभूत भएको कारण सभामा उपस्थिति उल्लेख्य हुने दलितका लागि दलितले विश्वास लिएको छ l 

'दलितलाई खै ?' श्लोगन सहित  खगेन्द्र सुनारले दलितको मुद्दा (विषय) मा ४५ दिन काठमाडौँको माइतीघरमा सङ्गालो लगाएर प्रदर्शन गरेर दलित जागरण र अधिकारको मुद्दालाई देशको ध्यान खिच्न सफल भएका थिए l 

स्मरणीय : फोटो फाइल