काठमाडौँ,माघ २३- दलित राष्ट्रिय गोलमेच सम्मेलन आयोजक समितिका संयोजक डा. निर्मल विश्वकर्माको संयोजनमा भएको कार्यक्रममा  गृहमन्त्री रमेश लेखकको राजिनामाको विषय जोडतोडले उठ्यो l जातीय छुवाछुत र भेदभावको घटना र गोलमेच सम्मेलनको विषयमा जानकारी दिन आयोजित कार्यक्रममा दलित अभियन्ताहरूले गृहमन्त्रीको विषयमा आएको समाचार र त्यसको सत्यताप्रति चासो राख्दै राज्य संरक्षित छुवाछुत हिँसा यातना र विभेदको चर्को विरोध गरे l 

देश संविधानबाट सन्चालन नभएर मनुस्मृतिबाट सन्चालित छ भन्दै कास्ट वाच नेटवर्कका अध्यक्ष डा. मित्र परियारले गृहमन्त्री लेखकले राजिनामा दिनुपर्छ अन्यथा प्रधानमन्त्री ओली र देउवाले उनलाई बर्खास्त गर्नु पर्छ l यदि त्यसो हुन् सकेन भने दलित समुदायले माइतीघर मण्डलमा आगो बाल्नेछन् l   हामी अब पनि हातमा दही जमाएर बस्दैनौ । दलित युवा चुप बस्दैनन । काभ्रेकी लक्ष्मी परियारको हत्या गर्दा पनि तत्कालीन काङ्ग्रेसका गृहमन्त्री बिमिलेन्द्र निधिले बचाएको हामीले बिर्सेका छैनौ l त्यसैले अब पनि १९१० को जङ्गबहादुरको कानुनले देशमा शासन गर्न पाइदैन l गृहमन्त्रीको राजिनामा शीघ्रातिशीघ्र आउनु पर्छ l यदि पत्रिकाले गलत लेखेको छ भने त्यसको विरुद्ध कारबाही गर्न र मुद्दा हाल्न किन सकेनन् त्यसैले गृहमन्त्रीको अस्वीकार गलत रहेको प्रमाणित हुन्छ l कांग्रेसको दलित आयोगले पनि गृहमन्त्री बचाउने व्यक्तव्य निकालेर दासप्रवृत्ति देखाएको आरोप लगाए l दलित आयोगको मौनताप्रति पनि परियारको आपत्ति थियो l 

संविधान सभा सदस्य रामप्रित पासवान दलितको समस्या पहाड र तराई मधेशमा फरक रहेको छ l तसर्थ त्यही अनुसार योजना बनाएर सङ्घर्ष गर्नु पर्ने कुरामा पासवानले जोड दिए l उनले साझा एजेण्डा बनाएर अगाडि जानुको विकल्प नभएको निस्कर्ष सुनाएका थिए l 

 तारा सिंह विश्वकर्माले पनि सङ्घर्ष नै आजको आवश्यकता हो l सङ्घर्ष गरेर अगाडि जानुको विकल्प नभएको विचार व्यक्त गरेका थिए l  विगतका अभियन्ताले जति सङ्घर्ष गरेर यहाँ सम्म आन्दोलन ल्याईदिनु भयो त्यसको लागि धन्यवाद व्यक्त गर्दै अब आन्दोलन हामीले अगाडि लैजाने र जनजाति र अन्य समुदायसँग एक्यबद्धता गर्दै मनुवादी राज्यसत्तालाई धक्का दिने अठोट व्यक्त गरे l 

तुलसी रसाइली – म आफै पहिलो महिला सहिद हुन तयार छु l महिलाको उपस्थिति र नेतृत्व फराकिलो बनाउनु पर्ने र दलित गैरदलित  हातेमालो गरेर जातीय छुवाछुत र विभेद अन्त्य गर्न गैरदलितसँग हातेमालो गर्न चाहान्छौ भन्दै आजको नेपाली समाजको यथार्थता सहितका जातीय छुवाछुतका उदाहरण आफैले भोगेको आफ्नै वरपर रहेको र अन्तरजातीय विवहा सफल नभएको त्यसको लागि मान्छेको माइण्डसेट बदल्नुपर्ने तर्क दिएकी थिइन् l उनले महिलाको सहभागिता बिना आन्दोलन सफल हुन नसक्नेतर्फ सचेत गराएकी थिइन् l 

परियार सेवा समितिका अध्यक्ष अन्जान  परियार- दलित आन्दोलन धेरै गरियो त्यसले सार्थकता लिन सकेन । विगतमा गरेको आन्दोलनको निरन्तरता भएन । सत्तामा गए पछि दलित स्वयं दलितको पीडामा बोल्दैनन् ।त्यसैले दलितको विषय सत्ता सडक जता रहे पनि उस्तै किसिमले बुझ्ने नेता र नेतृत्व आवश्यक भएको विचार व्यक्त गरे l दक्षिण एसियाका २७ करोड जनसंख्याको मुक्तिको लागि हामीले यहाँबाट आन्दोलनको खाका रचना गरेर सामान्य उपचार पद्धति होइन मेजर अपरेशन गर्नु पर्ने तर्फ ध्यानआकृष्ट गरे l 

अभियन्ता होमराज आचार्यले दलित गोलमेच सम्मेलनको लागि रू एक लाख सहयोगको घोषणा गर्दै गोलमेच सम्मेलनबाट दलित मुक्तिको  विश्व संसद स्थापना हुनुपर्छ l दलित आन्दोलन एनजिओ करण र दलीय करण भयो तर अन्तराष्ट्रियकरण भएको छैन l गोलमेच सम्मेलनमा दलितको विषयमा सामजिक न्यायको विषयमा आवाज उठाउने संसारका जुनसुकै स्थानबाट दलित बाहेक अन्य समुदायलाई पनि सहभागी बनाएर यो विषय अन्तराष्ट्रियकरण गर्नु अत्यावश्यक छ l 

राज्यसत्ताले दलितको विषय र संवेदनशीलता स्वीकार गरेको छैन l दलितसँग प्रधानमन्त्री र राष्ट्रपति लेवलबाट क्षमायाचना गर्नु पर्छ l  हामीले वासिंगटन डिसीमा त्यो सुरुवात गरेका थियौ l कुनै पनि विषय स्वीकार गरेपछि मात्र त्यसको सामाधान भेट्न सकिन्छ यसर्थ राज्यलाई मुद्दा स्वीकार गर्ने वातावरण सिर्जना गर्नुपर्नेमा आचार्यको जोड थियो l 

जनजाति अभियन्ता दीपक दोर्जे लामाले मासिन्या मतवाली बनाएर पनि नमासिएको मान्छे म अपमान विभेद र अन्यायको कुरा गर्दा जातीय आक्षेप लाग्छ । तर हामी न्यायको लागि हौ भन्दै एक्यवद्धता जाहेर गरेका थिए l

सभापतिको आसनबाट डा. निर्मल विश्वकर्माले  विभेदको मुक्ति आन्दोलन  निर्मल  गोलमेच सम्मेलन किन आवस्यक भयो ? दलित समुदायको वैचारिक विविधता र दुविधा छ त्यसलाई चिर्न दलित गोलमेच सम्मेलन गर्न लागिएको हो । दलित समुदायको मुद्दाले सासकलाई छोएको छैन त्यस किन भयो भने एउटा साझा र क्लियर एजेन्डा भएन राज्यसत्तासँग लडनको लागि । दलित एक ठाँउ नभएको कारण गोलमेच सम्मेलन गर्न लागिएको हो । एकताको प्रक्रियामा छौ । विभिन्न पार्टीका दलितहरूको भात्री  संगठनले समुचित कार्य गर्न सकेको छैन त्यसैले हामी नयाँ ढंगले जान चाहेका छौ । नेपाली काङ्ग्रेसले तत्काल उनलाई फिर्ता बोलाओस । उनले राष्ट्रघात पनि गरेका छन्  । त्यो  भत्सर्ना योग्य छ  गृहमन्त्रीको केस अब त्यसै सकिंदैन l उनका विरूद्ध मुद्दा दर्ता गर्ने अवस्थामा पनि जानु पर्नेमा डा.विश्वकर्माको जोड थियो l 

कार्यक्रमलाई अभियन्ता राजेश नेपालीले संचालन गरेका थिए भने गोलमेच तयारी समितिका प्रवक्ता अग्नि शिखाले गोलमेच तयारी समितिको अवधाराणा पत्र पढेर सुनाएका थिए l अवधाराणा पत्रमा दलित जनविद्रोहको तयारी समेतको विषय आएको छ l