कोटीहोम बारे श्रावण महिनाभर श्रीपशुपति नाथको प्राङ्गणमा कोटीहोम र विभिन्न पुराणको अनुष्ठानमा साक्षी बन्ने अवसर प्राप्त भयो । आफूलाई लागेका केही कुरा व्यक्त गर्न मन लाग्यो । साधारण वटुवाको रूपमा देखेको कुरा मात्रै, विशेष अध्ययन होइन । काम गर्दा केही कमजोरी र मानवीय प्राविधिक त्रुटिहरू भए होलान् ? तर जे भए जति भए राम्रा धेरै भए अनुकरणीय धेरै भए l इतिहास निर्माण गर्ने कुरा भए l

नेपालीहरूको व्यवस्थापन पक्ष चुस्त र दुरुस्त भएको हेर्न पाइयो l त्यसैले पनि काम गर्नेलाई प्रोत्साहन होस् भन्ने हेतुले यो विषयमा लेखिरहेको छु l राम्रा र सकारात्मक कामको जय गान हाम्रो सनातन परम्परा र विश्वाश पनि हो l कुनै पनि धर्मको संकुचनमा हैन फैलावटमा यसको आयाम र दर्शनले काम गर्छ l अत : सनातन हिन्दु धर्मको विराट दर्शन र व्यवहार अपवादका कमजोरीले संकुचनमा जानु हुँदैन l कमजोरी सच्यार गरिने अभ्यास नै सभ्य समाज र सभ्य धर्मको पहिचान बन्दछ l 

सानो संस्थाले यत्रो अनुष्ठानको संकल्प गर्नु ठूलो कुरा हो । स्वयंसेवकको सहयोगमा महिनासम्म अनवरत यज्ञ सम्पन्न गर्न सक्नुलाइ प्रशंसायोग्य कार्य मान्न सकिन्छ । मैले अहिलेसम्म देखेका धार्मिक कार्यहरूमा सबैभन्दा व्यवस्थित, स्वत:स्फूर्त सहभागिता, व्यवस्थित हवन, कथावाचन, भजन, सम्मान कार्य, दान दिने र recognize गर्ने सहज व्यवस्थापन आदि कार्य भएको महसुस भयो ।

प्रवचनका लागि व्यसासानमा आमन्त्रित गरिनेहरू धेरै diversified भएको पाइयो र उनीहरूको सम्मानले केही भ्रमहरू घट्दै गएकोछ ।

उद्घोषण र time management पनि उत्तम लाग्यो ।  देशका सबै भागबाट सहभागिता भएको देखियो ।  दान गर्नेहरुको उत्साह पनि उच्च रहेको देखियो, विशुद्ध स्वेच्छिक दान गर्न मात्र प्रेरित गरेको देखियो, करकाप कतैपनि  देखिएन । स्वयम् उपस्थित हुन नसके पनि media बाट श्रवण र अवलोकन गर्ने अवसर प्राप्त भएको । देश भित्र र सम्पूर्ण विश्वको विकास र शान्तिको उद्देश्य राखेर यज्ञको आयोजन गरेको देखियो ।  ज्येष्ठ नागरिक, मातृशक्ती, कन्या आदि सबैको सम्मान गर्न भ्याएको र प्रसाद वितरण पनि यथासक्य गरेको देखियो ।  वर्षातको मौसममा पनि एक महिनासम्म अनवरत खटेर यज्ञ समापन गर्न असीमित ऊर्जाको आवश्यकता पर्दछ र सो काम निर्बिघ्न र निर्वाध सम्पन्न हुँदै गरेको देखियो ।

समाजमा अनुकरणीय काम गर्नको लागि निष्ठा, इमान्दारिता र धृढ निश्चय भयो भने नेपालीहरू पनि दानवीर छन् भन्ने कुरा प्रष्ट देखियो, यो विश्वास कायम राख्न सक्नुपर्छ । वैदिक सनातन ज्ञान र विश्वासको लागि गरिएको यो अनुष्ठानले विश्वशान्तिको लागि मद्दत गरोस भन्ने कामना छ । समाजको सर्वाङ्गीण हित गरोस् भन्ने इच्छा छ l 

यहाँ नकारात्मक कुरा गर्ने मेरो कुनै चाहना छैन, यदि म आयोजक भएको भए मेरो क्षमता कति हुन्थ्यो ? म कति संयमित र ऊर्जावान भएर काम गर्न सक्थें ? कति व्यवस्थित बनाउन सक्थें ? कति विविध विधा भएका विद्वान् लाई सम्मान गर्न सक्थें ? यत्रो ठूलो अनुष्ठान बिना व्यवधान कसरी सम्पन्न गर्न सक्थें ? नकारात्मक टिप्पणी, डाह, ईर्ष्या, धम्कीलाई  कसरी सम्बोधन गर्न सक्थें ? आदि आदि कुरा सम्झदा मेरो क्षमताभन्दा धेरै माथिको कार्य भएकोले मेरो दृष्टिमा यो अति अनुकरणीय काम भएको छ ।यस्तै अरूलाई पनि लागेको पक्कै हुनुपर्छ l 

विद्वान्  एवम्  विज्ञहरूले कमी  कमजोरी, गल्ती आदिलाई  मिहीन रूपमा केलाइहाल्नु हुनेछ र आगामी दिनलाई मार्गदर्शन मिल्ने नै छ । Overall, I appreciate this effort !!!