तामाकोशी गाउँ पालिका वडा नं. २ दोलखा, झुले स्थित श्री अमर माविमा 'प्रेमबहादुर कार्की तथा स्वर्गीय कुलकुमारी कार्की'को नाममा स्थापित छात्रवृत्ति रकमका संस्थापक प्रेमबहादुर कार्कीले वितरण गर्नु भयो l 

अक्षयकोषबाट प्राप्त ब्याजबाट कक्षा १ देखि १२ सम्मका गरिब तथा जेहेन्छादार विद्यार्थीहरूलाई छात्रवृत्ति प्रदान गरिएको हो l विद्यालय व्यवस्थापन समितिका अध्यक्ष हिमालय कार्कीको सभापतित्वमा भएको कार्यक्रममा शिक्षाप्रेमी  प्रेमबहादुर  कार्कीको हातबाट विद्यालय व्यवस्थापन समितिका पदाधिकार, अभिभावक, शिक्षक कर्मचारीहरूको उपस्थितिमा १६ जना विद्यार्थीहरूलाई रु. १०११११ बाट प्राप्त ब्याज रकम रु. २०००० बराबरको नगद तथा शैक्षिक  सामग्री वितरण गरिएको थियो l

अमर माविको साप्ताहिक र  अतिरिक्त कार्यक्रममा उत्कृष्ट विद्यार्थीहरू समेत सो समारोहमा पुरस्कृत भएका थिए l 

साहित्य,साधना, धर्म राजनीति, सामाजिक सेवा र शिक्षा सेवामा समर्पित कार्कीले अमर माविका अलवा दोलखा जिल्ला तामाकोशी गाउँ पालिकाको श्री चनौटे आधारभूत विद्यालयमा समेत अक्षयकोष स्थापना गर्नु भएको छ l त्यसका अतिरिक्त समाजका गतिविधिमा पनि प्रेमबहादुर कार्कीको सहयोग प्राप्त हुँदै आएको छ l प्रेमबहादुर कार्कीले 'प्रेमबहादुर कार्की तथा स्वर्गीय कुलकुमारी कार्की'को नाममा २०७४ सालमा अमर माविमा प्रथम पटक छात्रवृत्ति कोष स्थापना गर्नु भएको हो l