काठमाडौँ, फाल्गुन, ५ 

'स्वाभिमान विद्रोह' शीर्षकमा नागरिक दवाव, विकल्प र भविष्य सहितको शब्दावली क्वाइन गर्दै काठमाडौँको होटेल उडल्याण्ड दरवार मार्गको हलमा प्रेम बानियाँको अग्रसरतामा एउटा कार्यक्रम र छलफल भएको छ l उक्त छलफलमा विश्व साइकल यात्री तथा सगरमाथा आरोही पुष्कर शाह १५ पटक सगरमाथा आरोहण गर्ने टेण्डी शेर्पा, अभियन्ता निगम हुमागाईलगायत समाजका विभिन्न क्षेत्रमा विशिष्ट पहिचान निर्माण गरेका व्यवसायी, पत्रकार र वौद्धिक व्यक्तित्वहरूसँग अन्तरक्रिया भएको थियो l

राजनीतिमा हस्तक्षेप बढाउने उदेश्यले 'नागरिक दवाब, विकल्प र भविष्य' शब्दमा जोड दिए पनि अन्ततः उदेश्य विस्तारै औपचरिक राजनीतिमा प्रवेश गर्ने मनसाय रहेको देखिनन्छ l यद्दपि अभियानका प्रमुख प्रेम बानियाँ नागरिक दवाब कमजोर रहेकोले अर्ग्यानिक नागरिक दवाव सिर्जना गरेर राजनीतिको बेथिति र सिस्टम बेगर चल्ने राजनीतिलाई सिस्टममा चल्न दवाब  दिने उदेश्य सहित काम गर्न लागिएको बताउँछन् l हामीसँग थुप्रै सम्भावना चुनौती र ब्राण्डहरू छन् तिनको उचित प्रसार प्रचार गरेर देशलाई स्वाभिमान युक्त बनाउने कर्तव्य र अधिकारमा उत्तिकै सजक नागरिक बनाउनेतर्फ हाम्रो अभियान अग्रसर हुने भनाइ प्रेमको रहेको छ l 

कार्यक्रमका सहभागीहरूले विकल्प सर्वोत्तम र भविष्य उज्यालो सङ्केत गर्दै अगाडि बढ्नु पर्नेमा जोड दिंदै प्रेम बानियाँलाई नेतृत्व गरेर अगाडि बढन सल्लाह दिएका थिए l हाललाई एउटा लुज फोरमबनाएर काम गर्दै जाने र क्रमशः औपचारिक राजनीतिमा जोडिनु पर्नेमा सहभागीहरूको मतैक्य थियो l जय स्वाभिमानको ब्राण्ड बनाएर पत्रकारिता गर्ने प्रेम बानियाँ सात वर्ष अमेरिका बसेर फर्किएका नेपाली टेलिभिजन पत्रकारिताका चर्चित अनुहार हुन् l अमेरिकाबाट फर्केपछि नेपालकै  होचो भूमि झापा जिल्लाको कचन कवलबाट संसारकै अग्लो सगरमाथाको बेसक्याम्पसम्म पुष्कर शाहलगायतसँग पदयात्रा गरेका थिए l  विश्वमा अन्यत्र कहीं नभएका तर हाम्रो भूमिमा मात्र भएका विश्वस्तरीय सम्पदालाई ब्राण्ड बनाएर अर्थोपार्जन गर्ने तर्फ देशले नीति बनाएर जानुपर्नेमा हाम्रो ध्यान जान जरुरी रहेको तर्क गर्छन् प्रेम l 

पदयात्राको क्रममा भुइँका मान्छेहरूलाई छोएर अन्तरक्रिया गर्दै प्रेम हिंडेको कुरा पुष्कर शाह बताउँछन् l  विचार निर्मितिको सवालमा छलफलमा छौं l छलफल,अन्तरक्रिया, अनुभव आदानप्रदानले ज्ञान निर्माण गर्न सहयोग पुर्याउँछ l हामीलाई देशको स्वाभिमान बृद्धि गर्ने र नागरिकको आत्मवल बढाउने काम गर्ने हुटहुटी छ, हामी त्यही शिलशीलामा भेला भएका हौँ akabarey.कम सँगको भेटमा प्रेमको स्पष्टोक्ति थियो l 'हाम्रो विद्रोह भनेको रचनाताम्क र सिर्जनात्मक हुनेछ l हामी ध्वंसको होइन निर्माण गरेर विद्रोह गर्छौ l'