काठमाडौं, फाल्गुन 

राष्ट्रिय स्वतन्त्र पार्टीले सहकारी तथा लघुवित्तीय संस्थाको संकट र समाधानका उपायसहितको प्रतिवेदन प्रधानमन्त्री पुष्पकमल दाहाल प्रचण्डलाई आज बुझाएको छ । रास्वपा सभापति रवि लामिछानेले उपसभापति डा. स्वर्णिम वाग्लेको नेतृत्वमा तयार पारेको संकट समाधानका उपायसहितको प्रतिवेदन बालुवाटारमा पुगेर बुझाएको हो ।

 रास्वपाको प्रतिवेदन बुझ्दै प्रधानमन्त्री प्रचण्डले सहकारी र लघुवित्तबाट पीडित भएका लाखौं नेपालीलाई न्याय दिन आफै सक्रिय भइरहेको बताएका छन् ।

उनले भने, यो मामिलामा म सबैभन्दा बढी गम्भीर भएर लागेको छु । लाखौं बचतकर्ताहरू ठगिएका छन्, उनीहरूलाई हरहालतमा न्याय दिनुपर्छ भन्नेमा म दृढ छ । तपाईहरूको सुझाव पनि म हेर्छु । यो समस्या जतिसक्दो छिटो टुंग्याएर न्याय दिने हतार आफूलाई पनि भएको कुरा प्रधानमन्त्रीले बताएको एक सहभागीले जानकारी दिएका छन् l 

 सहकारीको कारणले सर्वसाधारणको करोडौं रकम फसेपछि रास्वपाले समाधानको उपाय पहिल्याउन सरकारलाई दबाब बढाएको हो ।सार्वजनिक रूपमा सरकारको आलोचना गर्दैआएको थियो l  तथापि लामिछाने स्वयंलाई पनि पनि विभिन्न सहकारीको रकम अपचलन गरेको आरोप लागेको छ र उनका विरुद्ध कास्की प्रहरीमा उजुरी समेत परेको बताइएको छ l  आफूले कुनै सहकारीको रकम हिनामिना नगरेको बरू समस्या समाधानमा आफू र पार्टी गम्भीर बनेको र अर्थविद स्वर्णिम वाग्लेको संयोजकत्वमा सङ्कट समाधानको उपाय सहितको प्रतिवेदन तयार गर्दै गरेको बताउँदै आएका थिए l सोही प्रतिवेदन बुझाउन रास्वपा सभापति वाग्लेसहितका व्यक्तिहरू लिएर प्रधानमन्त्रीलाई पत्र बुझाउन पुगेका थिए l 

रास्वपाको सुझाव यस्तो छ :

राष्ट्रिय स्वतन्त्र पार्टी (रास्वपा) ले कम्तीमा एक वर्ष बचत तथा ऋण कारोबार गर्ने सहकारी संस्था दर्ता बन्द गर्नुपर्ने,सहकारीहरूले घरजग्गा लगायतका अनुत्पादनशील क्षेत्रमा गर्ने लगानीलाई रोक्नुपर्ने.५० करोड भन्दा बढी कारोबार गर्ने सहकारी संस्थाहरूको नियमन राष्ट्र बैंक अन्तर्गत ल्याउनुपर्ने,आफ्नो काबु बाहिरको परिस्थितिले गर्दा ऋण भुक्तानी गर्न अप्ठयारोमा परेका लघुवित्तका ऋणीहरुको तुरुन्तै पहिचान गर्ने र नियतवश ऋण नतिर्ने लघुवित्त ऋणीलाई कालो सूचीमा राख्नुको साथै स्थानीय तहसँगको सहकार्यमा कारबाही प्रकृया अघि बढाइ ऋण असुली गराउनु पर्ने जस्ता माग समेटेर प्रतिवेदन बनाएको छ l