झापा, मङ्सिर, ९ 

पूर्वराजा ज्ञानेन्द्र शाह झापा आएका बेला राष्ट्रिय प्रजातन्त्र पार्टी (राप्रपा) ले शनिबार शक्ति प्रदर्शन गर्दैछ।मेचीनगरस्थित होटल मेची क्राउनबाट राप्रपाले हजारौं मोटरसाइकलको र्‍यालीका साथमा पूर्वराजा शाहलाई स्कर्टिङ गरेर बिर्तामोडसम्म ल्याइने राप्रपाका अध्यक्ष राजेन्द्र लिङ्देनले जानकारी गराएका छन् l 

नेपाल एकीकरणका नायक पृथ्वीनारायण शाहको सालिक अनावरण कार्यक्रममा सहभागी बन्न पूर्वराजा ज्ञानेन्द्र शाह शुक्रबार अपराह्न झापा आइपुगेका छन्।

बिर्तामोडस्थित इकम कलेजमा स्थापना गरिएको पृथ्वीनारायण शाहको सालिक अनावरण आज पूर्वराजा शाहले गर्ने कार्यक्रम छ । कार्यक्रम दिउँसो १ बजेका लागि तय गरिएको छ ।

कार्यक्रमलाई सफल बनाउन भन्दै राप्रपा अध्यक्ष लिङ्देन करिब १० दिनदेखि झापामै छन्।

पूर्वराजा शाहसहितको र्‍यालीलाई करिब ८ हजार मोटरसाइकलले स्कर्टिङ गर्ने कार्यक्रम रहेको लिङ्देनले बताए।उनका अनुसार पूर्वराजा शाहले बिर्तामोडमा ४५ मिनेट पैदल हिँडेर सर्वसाधारण भेट गर्नेसमेत कार्यक्रम छ। कार्यक्रममा ५० हजारको सहभागिता रहने आयोजकले दाबी गरेका छन्। राजालाई विश्वासमा लिने कुरामा दुर्गा प्रसाई र राप्रपा अध्यक्ष लिङ्देनको प्रतिष्पर्धा देखिएको छ l आजको प्रदर्शनलाई राप्रपाले आफ्नो अस्तित्व प्रदर्शनको रूपमा लिएको देखिन्छ l 

गत फाल्गुनमा राजा प्रसाईको अभियानमा मेची पुलमा उपस्थित भएका थिए l राप्रपा संवैधानिक राजतन्त्रको पक्षमा आफ्नो स्थापनाकाल देखि नै प्रतिवद्द भएको शक्ति हो भने दुर्गा पर्साईले ओली र प्रचण्डसँगको प्रतिशोधमा राजतन्त्र बोक्न थालेका र आफ्नो पछि न लागे राजा पनि अर्कै हुन सक्ने भन्दै गुमाउरो गरी थर्काउदै आफूलाई समर्थन गर्न सार्वजनिक आव्हान गर्दै आएका छन् l