काठमाडौँ, मङ्सिर, ६ 

मेडिकल व्यवसायी दुर्गा प्रसाईं नेतृत्वको ‘राष्ट्र, राष्ट्रियता, धर्म, संस्कृति र नागरिक बचाउ महाअभियान’ ले मंसिर ७ गते गर्ने प्रदर्शनको कार्यसूची सार्वजनिक गरेको छ। काठमाडौंको बल्खुमा हुने उक्त कार्यक्रमका लागि आठवटा रुट तय भएको अभियानका सह–प्रवक्ता राजानन्द माण्डव्यले जानकारी दिएका छन् l 

 धार्मिक झण्डा र राष्ट्रिय झण्डा बाहेक अन्य कुनै झण्डा प्रयोग गर्न नपाउने सो समितिले जनाएको छ। बिहान सवा १० बजेबाट र्‍याली सुुरु हुने बताइएको छ । 

 विभिन्न  ७ वटा स्थानबाट सुरु भएको र्‍याली बल्खुमा गएर सभामा परिणत हुने माण्डव्यले बताए। 

प्रसाईंबाहेक सभामा सम्बोधन गर्ने अन्य व्यक्तिहरूको नाममा भने सामान्य विवाद रहेको बताइन्छ l 

  भेला हुने स्थानहरू : 
१) परीक्षा नियन्त्रण अगाडिको खुला चौर, भक्तपुर सानोठिमी
२) गङ्गबु चोक
३) स्वयम्भु
४) कलङ्की   
५) जावलाखेल
६) सातदोबाटो
७) त्रिवि प्रवेशद्वार अगाडि
८) चाबहिल