काठमाडौँ. असोज, १२ 

नेकपा एमाले बागमती प्रदेशको अध्यक्षमा कैलाश ढुङ्गेल विजयी भएका छन् । ढुङ्गेल रामेछाप जिल्लाका हुन् l  राति सम्पन्न मतगणनाको अन्तिम मतपरिणामअनुसार ढुङ्गेलले अर्का उम्मेदवार कृष्ण दाहाललाई पराजित गरेका हुन् । 

 ढुङ्गेल  ६९६ मत प्राप्त गरी अध्यक्षमा विजयी भएका हुन् । अध्यक्षका अर्का उम्मेदवार कृष्ण दाहालले भने ४३९ मत प्राप्त गरेका छन् ।उपाध्यक्षमा दावादोर्जे लामा ६१५ मत सहित विजय भएका छन् त्यस्तै गरी उपसचिवमा प्रेमकुमार महर्जन र भक्त कुमारी लामा विजयी भएका  छन् l 

 ढुङ्गेल एमाले अध्यक्ष केपी शर्मा ओली निकट मानिन्छन् भने उनको चुनावी अभियानमा एमाले नेता महेश बस्नेत लगायत सक्रियतापूर्वक लागेका थिए ।  इतर समूहको प्रतिनिधित्व गर्ने दहाललाई अर्का नेता गोकुल बाँस्कोटालगायत जिताउन लागिपरेका थिए ।  सहमतिको प्रयास सफल नभएपछि शुक्रबार नेतृत्व चयनका लागि एमाले पार्टी कार्यालय च्यासलमा मतदान भएको थियो । 

 त्यस्तै सचिवमा ५६८ मतसहित नवराज सिलवाल विजयी भएका छन् ।  सचिवका अर्का उम्मेदवार हस्त पण्डितले ५६७ मत प्राप्त गरेका छन् । सिलवालले एक मत ब बढी पाएर सचिवमा विजय प्राप्त गरेका हुन् l