काठमाडौं, असोज, १२ 

नेकपा एमाले बागमती प्रदेश कमिटी अध्यक्षका लागि  दुईजनामा मैदानमा छन् । तीनजनाले आफ्नो उम्मेदवारी फिर्ता लिएपछि दुईजनाबीच मात्र प्रतिस्पर्धा हुने भएको हो । उम्मेदवारी फिर्ता लिनेमा केशव पाण्डे, सानु श्रेष्ठ र केशर बुढाथोकी छन् । अध्यक्षको लागि कृष्णप्रसाद दाहाल र कैलाश ढुंगेलबीच प्रतिस्पर्धा हुनेछ ।

उपाध्यक्षमा ईश्वरचन्द्र पोखरेल, दावा दोर्जे लामा, नारायणप्रसाद खतिवडा र राजेन्द्र राजथलाबीच प्रतिस्पर्धा हुनेछ । सचिवका लागि नवराज सिलवाल र हस्तबहादुर पण्डितबीच चुनाव हुनेछ । अध्यक्ष केपी ओलीको प्यानल बनाए उमेद्वारी खारेजीको चेतावनी विपरित उमेद्वारहरू कृष्ण र कैलाश दुवैजना पदाधिकारीमा प्यानल बनाएर जाने तयारीमा छन् । बिहान १० बजेबाट  मतदान सुरू हुने प्रमुख निर्वाचन अधिकृत डिल्ली मैनालीले जानकारी दिएका छन् l