साहित्यकार नरेन्द्र प्रसाई कुन हदका राजावादी हुन् । उनले आफ्नो फेस बुक वालमा केही वर्ष अघि राखेको भनाई सान्दर्भिक लागेर akabarey.comले विचार मञ्चमा समावेश गरेको छ l उनको निस्वार्थ राजभक्ति भने अचम्म लाग्दो छ । निष्ठाको यो हद गज्जब छ । यस्ता राजावादी कति होलान् देशमा ? उनको वालमा यस्तो लेखिएको छ :
"मलाई कसैले काटेर फाले भने पनि मेरा रगतका सिर्का, मासुका चोक्टा र हड्डीहरूले राजा, राजा र राजा नै भनिरहेका हुनेछन् ।

म त्यही स्तरको राजावादी हुँ । राजतन्त्र फर्केपछि मैले राजाको सिन्दुर पहिरिएँ भने मलाई कालो मोसो दल्नु, मलाई जुत्ताको माला लगाई दिनु र मलाई राष्ट्रबाट वहिष्कार गरिदिनु ।

पद खानका लागि मैले राजा मानेको होइन । देश बचाउनका लागि मात्र मैले राजालाई गुहार मागेको हुँ ।

२०६५ सालमा भाइ ठाकुर बेलबासेसँगको ईमेज खबरको अन्तर्वार्तामा मैले यही भनेको थिएँ र आज पनि म त्यही भन्छु ।
आजसम्म मैले राष्ट्रपति भवन टेकेको छैन र उहाँ उपस्थित ठाउँहरूमा खुट्टा हालेको छैन ।"

स्मरणीय : Akabarey.com विचार प्रवाहको साझा मञ्च हो यसले कुनै पनि विचार अभिव्यक्तिको स्वतन्त्रतालाई निषेध गर्दैन l सम्पादक