हालै मुक्कुम्लुङमा आन्दोलनरत 'नो केबलकार' पक्षधरहरूमाथि राज्यद्वारा भएको दमनले हाम्रो देशमा विद्यमान गहिरो संरचनागत विभेद र नस्लीय उच्च जातीवादी अहंकारवादीहरूको अन्यायलाई पुनः उजागर गरिरहेको छ । स्थानीय आदिवासी, जनजाति, भुमिपुत्र समुदायको इच्छा र चाहनाको विपरीत, किराँत लिम्बूजातिको सांस्कृतिक धरोहर मुकुलुङ्ग (पाथीभरा) क्षेत्रमा केही व्यक्ति र दलालहरूबाट संचालित कम्पनीहरूको स्वार्थ पूर्तिका लागि सरकारले जबर्जस्ती केवलकार परियोजना अघि बढाउदै स्थानीय जनता र आस्थाका मानिसहरुमा माथि अन्याय पुर्ण दमन हुनु लोकतन्त्रको मर्म र संघीयताको भावनामाथि आक्रमण हो । यस्ता विकास योजनाहरू स्थानीय जनताको अधिकार, संस्कृति, सभ्यता र पहिचानमाथि धावा बोल्ने नयाँ स्वरूपका 'आधुनिक औपनिवेशिक' अतिक्रमणको अभ्यासहरू मात्रै हुन ।

पहिचान,संघीयता,न्याय,अधिकार र समावेशी राष्ट्रको सपना - संयुक्त नागरिक पार्टीको यात्रा l 

संविधानले दिशानिर्देश गरेको पहिचानका पाँच आधार सामर्थ्यका चार आधारमा संघीयतालाई कार्यन्वयन गराउन खबरदारी गर्दै राज्यले जबर्जस्त लादेको एकल जातीय एकल नश्लीय र गोत्रीय प्रदेश १ को नाम कोसी खारेजी गर्दै आएका पहिचानवादी शक्तिहरु पछिल्लोपटक किराँती लिम्बुजातीयको सांस्कृतिक धरोहर मुकुमलुङ्ग क्षेत्रको संरक्षण आन्दोलनमा सशक्त भएको छ । गत वैशाख ११ गते काठमाडौँस्थित रिपोर्टर्स क्लबमा आयोजित पत्रकार सम्मेलनमा मुकुमलुङ्गमा नो केबलकार आन्दोलनको समर्थन गर्दै पहिचानवादी हरूले पत्रकार सम्मेलन गरेर स्पष्ट रूपमा राज्यको दमनको विरोध गर्दै आफ्नो विचार, भावना र मागहरू सार्वजनिक गरे । 

पत्रकार सम्मेलनलाई केही सञ्चारमाध्यमहरूले तोडमोड गर्दै भ्रमपूर्ण, प्रायोजित, तथा दलाल र तिनका मतियारहरुले कम्पनीको पक्षमा प्रचार गरेर प्रेस स्वतन्त्रताको दुरुपयोग समेत भएकोछ यो शिल्पी/दलित आदिवासी जनजाति मधेसी मुस्लिम ,इशाइ बुद्धिष्ट लगायतका उत्पीडितमाथि गर्दै आएको अन्यायका रणनीति ज्वलन्त उदाहरण हो। संघीय लोकतान्त्रिक गणतन्त्र स्थापनाको मूल मर्म नै न्याय, समानता, समावेशीता र पहिचानको सम्मान हो, तर राज्यका सबैसंरचनाहरूमा अझै पनि एकल जातीय, एकल धार्मिक र एकल नस्लीय हस्तक्षेप कायम रहेकोले यो व्यवस्था जनताको अपेक्षा अनुरूप संस्थागत हुन सकेको छैन । सत्तामा पुगेका परम्परागत दलहरूले सत्ता र पदलोलुप नेताहरू उत्पादन गर्दै जनताको आत्मसम्मान, समृद्धि र समावेशी शासनप्रति कुठाराघात गरेकाले अब नयाँ विकल्प शक्ति राजनीति नेतृत्वको अपरिहार्य बनिसकेको छ। यही आवश्यकता र ऐतिहासिक सन्दर्भलाई ध्यानमा राखी उत्पीडित, सीमान्तकृत, शिल्पी(दलित), महिला, मधेसी, थारु,आदिवासीजनजाति, मधेसी,थारू,मुस्लिम ,इशाइ बुद्धिष्ट लगायतका अल्पसंख्यक तथा अन्य पहिचान समुदायहरूको नेतृत्वमा संयुक्त नागरिक पार्टी गठन गरिएको हो । यो पार्टी कुनै पनि पार्टीको विकल्पको रूपमा होइन, नयाँ राजनीतिक संस्कार र नविन नेतृत्वको आशाका रूपमा आएको हो, जसले मुलुकमा समता, न्याय, समानुपातिकता, मानव अधिकार, मौलिक हक, प्रेस तथा अभिव्यक्ति स्वतन्त्रता, धार्मिक स्वतन्त्रता लगायत सम्पूर्ण लोकतान्त्रिक मूल्यहरूलाई व्यवहारमा संस्थागत गर्नको निमित्त हो ।

संयुक्त नागरिक पार्टीको मूल धारणा आदिवासी, जनजाति, शिल्पी(दलित ) महिला, मधेशी लगायत उत्पीडित समुदायको नेतृत्वमा वैकल्पिक शक्ति निर्माण गर्दै राज्यका सबै तह र तप्कामा वास्तविक समानुपातिक समावेशी सहभागिता,भौगोलिक, जातीय, धार्मिक, सांस्कृतिक विभेदको अन्त्य,भ्रष्टाचारविरुद्ध कठोर नीति, नैतिक र जनमुखी नेतृत्वको निर्माण गर्दै शान्ति, समृद्धि ,र सर्वजातिय समावेशी सामाजिक लोकतान्त्रिक समाजवादको दिशामा वैज्ञानिक र न्यायमूलक विकासमा संयुक्त नागरिक पार्टी विश्वास गर्छ।देशमा आम नागरिक उनको पहिचान, अस्तित्व र आत्मसम्मान स्थापित नगरीकन कुनै पनि राजनीतिक परिवर्तन दिगो शान्ति बिकास र समृद्धि हुँदैन ।

यसर्थ सम्पूर्ण उत्पीडित समुदाय, सचेत नागरिक, अधिकारकर्मी र न्यायप्रेमीहरूलाई गोलबन्द हुँदै मुलुकमा विद्यमान सबै प्रकारका जातीय, धार्मिक, सांस्कृतिक, भाषिक, लैंगिक, भौगोलिक, क्षेत्रीयलगायत सबै प्रकारका विभेद, दमन र बहिष्करणको अन्त्य गर्दै न्यायमूलक, समतामूलक, विभेदरहित, सभ्य, सम्वृद्ध समाज र समावेशी राष्ट्रको निर्माण आजको आवश्यकता हो । पहिचान, अस्तित्व र आत्मसम्मानलाई स्थापित गर्दै, शिल्पी/दलित समुदायमाथि हुने छुवाछुत विभेद हिंसाको अन्त्य गर्दै, उनीहरूको सम्मानजनक पहिचान र विशेष अधिकारको प्रत्युभूति गर्दै, देशलाई वैज्ञानिक तरिकाले दूत विकासको बाटोमा अगाडि बढाउन सशक्त नेतृत्व प्रदान गर्ने प्रतिबद्धताका साथ संघीय लोकतान्त्रिक गणतन्त्र नेपालको विकास र सम्वृद्धिमा योगदान दिने उद्देश्यले मौलिक विचारधारमा आधारित रहे संयुक्त नागरिक पार्टी अभियानमा गोलबद्ध हुन पार्टीको अध्यक्षको हैसियतमा देश बिदेशमा रहनु भएका सम्पूर्ण दाजुभाइ दिदीबहिनी सबैमा हार्दिक अपिल गर्दछु ।

लेखक : दलमर्दन कामी संयुक्त नागरिक पार्टीका अध्यक्ष हुन् l अकबरेको विचार मञ्च सबैको साझा थलो भएकोले सबैको विचारलाई स्थान प्राप्त छ l सम्पादक