१४ चैत, काठमाडौं: समाजवादी मोर्चाले भोलि शुक्रबार गर्ने जनप्रदर्शन  भृकुटीमण्डपमा आयोजना हुँदैछ l उक्त प्रदर्शन ( विरोध सभा ) भृकुटीमण्डपमा भेला हुनु अघि राजधानी काठमाडौँका विभिन्न स्थानबाट जुलुस प्रदर्शन गर्दै भृकुटीमण्डपमा भेला हुनेछन् l 

करिब डेढ लाख मानिस उतार्ने तयारी गरेको समाजवादी मोर्चाले विरोध प्रदर्शनलाई व्यवस्थित बनाउन रुटहरू तय गरेर कार्यक्रम तालिका सार्वजनिक गरेको छ l 

भोलि नै राजावादीहरूको पनि शक्ति प्रदर्शन र सभा भएकोले सुरक्षा संवेदनशीलातालाई ध्यानमा राखेर सुरक्षा व्यवस्था मिलाएइको सुरक्षा निकायले जानकारी दिएको छ l 

गणतन्त्र पक्षधर  सबै दललाई प्रदर्शनमा सहभागी हुन  समाजवादी मोर्चाले आव्हान गरेको छ l

समाजवादी मोर्चाका अनुसार विरोध जुलुस बिहान ११ बजे सुरु हुनेछ ।

कोटेश्वर हुँदै (पूर्वबाट आउनेहरू) बबरमहल, ललितपुर हुँदै (दक्षिणबाट आउनेहरू) कुपण्डोल, कलंकी हुँदै (पश्चिमबाट आउनेहरू) त्रिपूरेश्वर र बालाजु हुँदै (उत्तरपश्चिमबाट आउनेहरू) सोह्रखुट्टेमा भेला हुने जुलुसको नेतृत्व नेकपा माओवादी केन्द्रले गर्ने छ ।

यसैगरी मैतीदेव, डिल्लीबजार चोक र शान्तिबाटिकाबाट निस्कने जुलुसको नेतृत्व एकीकृत समाजवादीले गर्नेछ भने नेपाल कम्युनिस्ट पार्टीले सुन्धारा र नेपाल समाजवादी पार्टीले न्यूरोड गेटबाट निस्कने जुलुसको नेतृत्व गर्नेछ ।

जुलुस प्रदर्शनको निर्धारित रुटहरू यसप्रकार रहेका छन् :