मङ्सिर, १३ -  थ्याङ्कसगिभिङ डे इसाई धर्मालम्बीहरूको एउटा प्रमुख चाड र विशेष दिन हो ।

यो अमेरिका र क्यानडामा मनाइन्छ । अमेरिकामा यो नोभेम्बरको चौथो बिहिबार र क्यानडामा दोस्रो सोमबार पर्छ । त्यसदिन सबै सरकारी कार्यालयहरू  बिदा हुन्छन् । धेरैजसो कामदारले बिदा पाउँछन् ।

यो दिवस फसल (बाली) फलेको खुसीयालीमा मनाइने हो । यो भगवानलाई धन्यवाद दिन मनाउने थालिएको चाड हो ।

अमेरिकामा थ्याङ्कसगिभिङ् डेको भोलिपल्ट शुक्रबार पर्छ । उक्त शुक्रबारलाई ब्ल्याक फ्राइडे भनिन्छ। उक्त दिन धेरै पसलहरूले सामान निकै सस्तोमा बेच्छन् । यो अमेरिकामा सबैभन्दा बिक्रि हुने दिन हो । (विकी पिडिया)

नोभेम्बर २८ मा अमेरिकामा थ्यांक्सगिभिङ पर्व मनाइदै छ । यो दिन उत्तर अमेरिकामा राष्ट्रिय विदाका रूपमा मनाउने गरिन्छ । यो दिन वर्षमा भएको उब्जनी र अन्य आशिर्वादका रूपमा मनाउने गरिन्छ ।

अमेरिकामा थ्यांक्सगिभिङ डिनरका रूपमा टर्की चराको भोज गर्ने प्रचलन रहेको छ । थ्यांक्सगिभिङमा परिवारसँग बसेर टर्कीका विभिन्न परिकारहरू खाने चलन रहेको छ ।

 नेशनल टर्की फेडेरेशनका अनुसार हरेक बर्ष थ्यांक्सगिभिङ मनाउने क्रममा ४६ मिलियन टर्कीहरू खाइन्छ । क्रिममसमा २२ मिलियन र इस्टरमा १९ मिलियन टर्की खाइने नेशनल टर्की फेडेरेशनको तथ्यांक रहेको छ ।

९५ प्रतिशत अमेरिकनहरुले थ्यांक्सगिभिङमा टर्की खाने गरेको तथ्यांक रहेको छ । अमेरिकामा मात्र हरेक थ्यांक्सगिभिङमा ६७५ मिलियन पाउण्ड टर्की खपत हुने गरेको जनाइएको छ । बचेको टर्की स्याण्डवीच, सुप, सलादका रूपमा थ्यांक्सगिभिङ पछिका दिनमा खाने गरिन्छ ।

पहिलो थ्यांक्सगिभिङ डिनर सन् १६२१ म तीर्थयात्रीहरूले खाएको बताइन्छ । त्यतिबेला अन्न उब्जनीको उत्सवका थ्यांक्सगिभिङ डिनर गरिएको र त्यो यता यो पर्व मनाउन सुरु गरिएको विश्वास गरिन्छ । त्यतिबेला  उपनिवेशको पहिलो सफल अन्न उब्जनीका रूपमा मनाइएको थियो । अमेरिकी राष्ट्रपति अब्राहम लिंकनले सन् १८६३ देखि थ्यांक्सगिभिङलाई राष्ट्रिय पर्वका रूपमा मनाउने घोषणा गरेका थिए ।

ब्ल्याक फ्राइडे (कालो शुक्रबार)
थ्याङ्कस गिभिङ पर्वदेखि नै खासगरी अमेरिकामा अनौपचारिकरूपमा बिदाको मौसम शुरू हुन्छ। बिहीवार थ्याङ्कस गिभिङ डेमा भोजभतेर र रमाइलो गरेपछि भोलिपल्ट शुक्रवार बेस्सरी किनमेल गर्ने प्रचलन भएकोले यसलाई ब्ल्याक फ्राइडे भनिन्छ । व्यापारको लागि एकदमै फाइदाजनक नाफामूलक मानिने ब्ल्याक फ्राइडेमा अमेरिकामा ठूलो बिक्री हुने र मान्छेहरूलाई प्रोत्साहन गराउन भारी छुटमा सामान बिक्री गरिन्छ । अरू बेला एक सय डलर पर्ने सामान यो दिन १० डलरसम्ममा पाइन्छ । अधिकांश अमेरिकीहरूले यो दिन आफूलाई चाहिने वर्ष दिनको लुगाफाटो, इलेक्ट्रोनिक सामान आदि अन्धाधुन्ध किन्दा रहेछन् । अमेरिकी अर्थतन्त्रमा यो दिनको ठूलो महत्व पनि हुँदो रहेछ ।

विशेष डिस्काउन्टमा यस्ता सामान बेच्ने स्टोर र मलहरूमा बिहान ३ बजेदेखि नै क्रेताहरूको लाइन लाग्ने गर्दछ र स्टोर खुल्ने बित्तिकै हारालुछ गरेर सामान बेचबिखन हुन्छ । नोभेम्बर र डिसेम्बर महीनामा थुप्रै चाडपर्व पर्ने भएकाले र बिदा पाइने भएकोले यी महीनालाई यहाँ बिदाको मौसम भनिन्छ । यी महीनाहरूमा अमेरिकाका अधिकांश राज्यहरूमा अचाक्ली जाडो र हिमपात हुन्छ। बिदाको मजा लिन अधिकांश अमेरिकीहरू देश विदेश घुम्न जाँदा रहेछन् । अमेरिकामा क्रिसमस र नयाँ वर्षलाई अलि बेसी नै धुमधामले मनाइन्छ । एक महिनापछिको क्रिसमसको तयारीसमेत यहाँ धूमधामले भइरहेको हुन्छ l 

 अहिले थ्यांक्सगिभिङ एकअर्काप्रति अनुग्रह व्यक्त गर्न र धन्यवाद आदान प्रदान गर्नका लागि समेत विश्वका विभिन्न देशहरूमा मनाउने प्रचलन छ ।

विभिन्न संचार माध्यमबाट प्रस्तुत सामग्री तयार गरिएको हो l सम्पादक akabarey.com l