काठमाडौँ - बागमती प्रदेश सरकारको मुख्य न्यायाधिवक्तामा अधिवक्ता शुकदेव काफ्लेलाई बागमती प्रदेश प्रमुख दीपकप्रसाद देवकोटाले मुख्य मन्त्री बहादुर सिंह लामाको सिफारिसमा नियुक्त गरेका छन् l 

प्रदेश प्रमुख देवकोटाले नेपालको संविधानको धारा १६० को उपधारा (२) बमोजिम  काफलेलाई नियुक्त  गरेका हुन् l 

दोलखा जिल्ला तामाकोशी गाउँपालिका–३ का काफ्लेले २०४७ सालमा दोलखा कै गोल्मेश्वर मावि मालुबाट   एसएलसी पास गरेका हुन् l त्यस पश्चात २०४८ देखि काठमाडौँ भृकुटीमण्डपमा रहेको नेपाल ल क्याम्पसमा  कानुनको अध्ययन सकाएर काफ्लेले अधिवक्ताको लाइसेन्स लिएदेखि  वकालत पेशामा निरन्तर संलग्न रहेका छन् l 

नवनियुक्त मुख्य न्यायाधिवक्ताको शपथ ग्रहण भदौ ५ गते हुने मुख्यमन्त्री तथा मन्त्रिपरिषद् कार्यालय हेटौँडाले जनाएको छ ।

फोटो स्रोत : सुरेश काफ्ले