दोलखा संवाददाता-माघ, १२ 

नेकपा एमाले दोलखा यतिबेला दशौ अधिवेशन सम्पन्न गर्ने चटारोमा छ l अधिवेशनको तयारीदेखि स्थानीय प्रतिनिधि छनोट हुँदै माघ १९, २० र २१ मा हुने जिल्ला अधिवेशन र नेतृत्व चयनबारे एमाले नेताकार्यकर्ता छलफल भेटघाट र कित्ताकाटसम्मको अभ्यासमा छन् l दोलखा एमालेका दुई टावर पर्सनालिटी  पूर्वमन्त्रीहरू आनन्द पोख्रेल र पार्वत गुरुङ आआफ्नो अनुकुल जिल्ला अध्यक्ष बनाउने जोडबलमा प्रयासरत छन् l पार्वत गुरुङ खेमा वर्तमान अध्यक्ष नरबहादुर श्रेष्ठलाई पुन निर्वाचित गराउने रणनीतिमा छ भने नेता आनन्द पोखरेलको खेमा भरत दुलाल र ईश्वरचन्द्र पोख्रेल मध्ये एउटालाई अध्यक्ष बनाउने रणनीतिमा छ l पूर्व अध्यक्ष समेत रहेका ईश्वरचन्द्र पोखरेलको पनि अध्यक्षमा दावी रहेको कारण यो समूहलाई आफ्नो उमेद्वार छान्न कष्ट परेको अनुमान गर्न सकिन्छ l एमाले अध्यक्षमा दुई पूर्व अध्यक्षहरू परीक्षित भैसकेको कारण पनि जो जताको भए पनि भरत दुलाल एउटा सम्भाव्य अनुहारको रूपमा रहेको एमाले वृतमा पनि चर्चा छ l हुनत भरत अरू दुई अध्यक्षका सम्भावित प्रत्याशीको तुलनामा जुनियर हुन् l तर आफ्नो गाउँ पालिकामा निर्वाचित हुँदा भरतले गरेको उत्कृष्ट कार्यसम्पादन र दोलखा र शैलुङलाई देशमा चिनाउने भरत ल्याकत भएका नेता हुन भन्ने विश्लेषण पनि पाइन्छ l 

को हुन् भरत दुलाल ?

नेकपा एमालेका युवा नेता तथा शैलुङ गाउँ पलिककाका पूर्वप्रमुख भरत दुलालले एमाले अध्यक्षको लागि आफ्नो दावी पेश गरेका छन् l ४६० गाउँ पालिकामा दोलखाको शैलुङ्लाई देशभरकै उत्कृष्ट कार्यसम्पादन गर्ने गाउँ पालिका बनाउन सफल भरत दोलखा एमालेको कमाण्ड आफ्नो हातमा लिन तम्सेका छन् l एमाले दोलखाको नवौं महाधिवेशनमा पनि वर्तमान नेतृत्व नरबहादुर श्रेष्ठसँग प्रतिष्पर्धा गरेर उपविजेता बनेका भरत १० औ महाधिवेशनमा पनि अध्यक्षमा आफ्नो उमेद्वारी घोषणा गरेर आफूलाई सकभर सर्वसम्मत बनाउन पहल गरिरहेका छन् l ‘सहमतिमा नेतृत्व पाए झन् गजब सहमति हुन नसके आन्तरिक लोकतन्त्रको अभ्यास गरेर नेतृत्व छनोट प्रक्रियामा सामेल हुने तयारी गर्दैछु’ भरत भन्छन् l 

भरतको राजनीतिक संयोग 

२०४६ सालमा जनआन्दोलन हेर्न जाँदा प्रहरीले पक्रेर जेल पर्दा पार्टीको सम्पर्कमा पुगेर २०४७ ज्ञानोदय माध्यमिक विद्यालयको अनेरास्ववियुको प्रारम्भिक भेला आयोजक कमिटिको संयोजक भएर औपचारिक राजनीति सुरू गरेका भरत अखिलको केन्द्रीय केन्द्रीय सदस्य पनि बनेका पूर्वविद्यार्थी नेता हुन् l  २०६० पछि दोलखा फर्केर शिक्षण पेशामा आवद्द हुँदै नेपाल राष्ट्रिय शिक्षक सङ्गठनको दोलखा जिल्लाको कोषाध्यक्ष हुँदै काटाकुटी गाविसको सचिव भएर दोलखा राजनीतिमा सक्रिय भरत त्यही बेला नेकपा एमालेका नेता स्वर्गीय पशुपति चौलागाईलगायत एमाले नेताहरूको पहलमा दोलखाको पार्टी सचिव बनेर दोलखा एमाले राजनीतिमा निरन्तर क्रियाशील छन् l 

देशकै उत्कृष्ट गाउँ पालिका शैलुङ बनाउन योगदान 

२०७४ को स्थानीय निकायमा नेकपा एमालेको प्रत्याशी भएर शैलुङ गाउँ पालिकामा निर्वाचित भएका भरत दोलखा जिल्लाका सात स्थानीय निकायमा मात्र कार्यसम्पादन मूल्याङ्कनमा उत्कृष्ट बन्न सीमित नभएर वागमती प्रदेशको उत्कृष्ट हुँदै देशकै उत्कृष्ट गाउँ पालिकामा शैलुङ्लाई पुर्याउन नेतृत्व गरेका युवा राजनीतिज्ञ हुन् l शैलुङ् भरतको कार्यकालमा देशभर चर्चामा रह्यो l उनले शैलुङ विकासका थुप्रै मानक खडा गरेका छन् l जसमा केही उलेख्य मानक यस्ता रहेका छन् : मिनी ग्रेट वाल भनेर प्रख्यात बन्दै गरेको शैलुङको परिकल्पनाकार भरत नै हुन् l शैलुङग्रेट वालको चर्चा व्यापक छ l १५ वटा पानीको रिचार्ज पोखरी निर्माणजस्ता कार्यले प्रकृति र पानीमा उनको ध्यान गएको देखिन्छ जुन हाम्रा सबै पर्वतमालाको शिखरमा हुनु जरुरी छ l प्रधानमन्त्रीको स्वरोजगार कार्यक्रममा पनि शैलुङले गरेको कार्य सर्हानिय छ l दोलखा जिल्लाकै सबैभन्दा ठुलो खेल मैदान निर्माणको श्रेय पनि भरत दुलाल नेतृत्वको शैलुङ गाउँ पालिकालाई जान्छ l नेपालकै ठुलो कोल्डस्टोर निर्माण गरेर किसानको सामग्री भण्डारणमा पनि उनको नेतृत्व अब्बल रह्यो l भूकम्प र कोरोना जस्ता महामारीमा पनि यथासम्भव काम गरेर भरतले देशभर वहा ! वहा ! कमाएका छन् l कालापानी पर्यटकीय ग्राम पनि भरतको उत्कृष्ट परिकल्पना हो भन्छन् शैलुङ् यात्रा गर्ने पर्यटकहरू l २० फुट अग्लो गौतम बुद्दको मूर्ति, हिन्दु तिर्थस्थल र उत्कृष्ट पर्यटकीय गन्तव्य शैलुङका आकर्षण हुन् l 

नवौ अधिवेशनमा भरतको आर्थिक पारदर्शिता 

भरतको आर्थिक पारदर्शिता भरतले नवौ जिल्ला अधिवेशनमा १८ दिनमा आफूले गरेको खर्च सार्वजनिक गरेर पनि पारदर्शिताको उदाहरण प्रस्तुत गरेका थिए l पार्टी अधिवेशन र पार्टी प्रतिनिधि चुनिने आन्तरिक निर्वाचनमा नै लाखौ र जिल्ला तहको कार्यकारी पदमा पुग्न करोडौ खर्च गर्ने अस्वस्थ अराजनीति भएको समयमा भरत दुलालले एक लाख चालीस हजार सातसय रूपियाँ खर्च विवरण प्रस्तुत गरेर सबैलाई आश्चर्य चकित बनाएका थिए l उनको खर्च विवरणप्रति कसैले प्रश्न नगरेको कारण पनि उनको खर्च विवरण तथ्य नजिक थियो होला भन्ने अड्कल गर्न सकिन्छ l उनको लागि चुनौती दिने गरी कसैले आफ्नो खर्च विवरण सार्वजनिक गर्न सकेनन् l त्यसैले भरतलाई पारदर्शी नेताको रूपमा पनि चिन्न र चिनाउन उनी सम्वद्ध नेताकार्यकर्ता लागेका छन् l

एमाले अधिवेशन बारे दोलखा एमाले नेता विर्खबहादुर तामाङ् भन्छन् :“हामी सर्वसम्मत नेतृत्वको पक्षमा छौं l सर्वसम्मत भएन भने निर्वाचनमा जानू पर्छ निर्वाचनमा जाँदा उमेद्वार र उसले छनोट गरेको टिमको आधार आफ्नो कित्ता तय गर्नु पर्ने बाध्यता रहन्छ l”

आफूलाई दोलखा एमाले सचिवको साझा उमेद्वारको रूपमा परिचय गराउने होम पाठक भन्छन् एमालेले विधिवत आफ्नो नेतृत्व चयन गर्छ त्यो प्रतिष्पर्धाको रूपमा पनि हुन सक्छ सहमतीय पनि बन्न सक्छ तसर्थ जिल्ला हाक्ने नेतृत्व परिपक्व अनुभवी र उत्कृष्ट आउँछन् जो आए पनि l 

मन वचन र कर्मले राजनीतिमा सेवा गर्नुपर्छ तर अहिले राजनीति पहुँचमा पुगेपछि अतिरिक्त लाभ आर्थिकलाभ र व्यवसायिकलाभ लिने प्रचलन बढेको छ त्यसको अन्त्यको लागि राजनीति आवश्यक छ l म त्यस्तो राजनीतिमा विश्वास गर्छु भरत भन्छन् l शैलुङ गाउँ पालिकामा उत्कृष्ट काम गर्दा गर्दै पनि पुन टिकट नदिएर पार्टीले मेरो आवश्यकता जिल्ला अध्यक्षको लागि देखेको हुनाले म अध्यक्षको प्रत्यासी बन्दैछु l भरत दुलालको दावी छ l शिक्षा सङ्कायमा स्नातकोत्तर भरतको दोलखा एमाले अध्यक्ष बन्ने सपना एमाले नेताकार्यकर्ताको विवेकमा निर्भर छ l 

akabarey.com दोलखा एमालेको अध्यक्षको दौडमा रहेका अन्य प्रत्याशीबारे पनि रिसर्च गरिरहेको छ l क्रमशः सबैको सङ्क्षिप्त बायो सहित उमेद्वारी चर्चा प्रस्तुत गर्दछ l