मङ्सिर, २ काठमाडौँ: भक्तपुरस्थित निवासबाटै सोमबार मध्यरातमा दुर्गा प्रसाईं पक्राउ परेका छन् ।  सुतिसकेका प्रसाईंलाई पक्राउ गर्न प्रहरी टोली साेमबार मध्यराति निवासमा पुगेको थियो ।

प्रसाईको निवासमा प्रवेश गरेर उनलाई प्रक्रिया पूरा गरेर नियन्त्रणमा लिई जिल्ला प्रहरी परिसर काठमाडौँमा ल्याइएको जानकारी प्राप्त भएको छ l 

यसअघि १५ चैतको हिंसात्मक आन्दोलनपछि पक्राउ परेका प्रसाईं अदालतको आदेशपछि छुटेका थिए । राजावादी गतिविधिमा संलग्न प्रसाईं बैंकबाट लिएको ऋण मिनाहा गरिदिनुपर्ने लगायत माग राख्दै आन्दोलनको तयारीमा थिए ।

निवास परिसरबाट उनलाई निकाल्दै गरिएको एक भिडियो सार्वजनिक भएको छ । उक्त भिडियोमा प्रसाईंले केही बोलेको सुनिन्छ । उनलाई लिन प्रहरीको ठुलो फौज पुगेको उक्त भिडियोमा देख्न सकिन्छ l मङ्सिर ७ देखि आन्दोलनको घोषणा गरेका उनले हिंसा भड्काउन सक्ने आशङ्कासहित पक्राउ परेका हुन् ।

स्मरणीय : दुर्गा प्रसाईको यस अघि सार्वजनिक भएको फाइल फोटो प्रयोग गरिएको छ l - सम्पदक