काठमाडौं, १८ असोज:  प्रहरीले नागढुंगा–मुग्लिन सडक खण्डका विभिन्न स्थानमा पहिरो खसेकाले यात्रा नगर्न अनुरोध गर्दै माइकिङ सुरु गरिरहेको छ ।

काठमाडौंको प्रमुख नाका नागढुंगामा तैनाथ प्रहरीहरूको तर्फबाट माइकिङ गर्दै अगाडि नबढ्न अनुरोध गरिएको हो । नागढुंगा नाकाबाट अगाडि धादिङतर्फ जानुको सट्टा काठमाडौंमै फर्किएर सुरक्षित रहन प्रहरीले आव्हान गरिरहेको छ l 

‘धादिङको विभिन्न ठाउँमा पहिरो आएको र तत्काल खुलाउन सक्ने अवस्था नरहेको हुँदा सम्पूर्ण चालक/सहचालक महानुभावहरू, तपाईंहरूलाई यहाँबाट  अगाडि पठाउन सकिँदैन । त्यसैले सुरक्षित तरिकाले काठमाडौं फिर्ता भई सुरक्षित रहनुहुन अनुरोध गर्दछौं,’ प्रहरीहरुले माइकिङ गरेर भनिरहेका छन् । प्रहरीको माइकिंङ विनयी र अनुरोधपूर्ण रहेको सुनिएको छ l 

स्मरणीय : फोटो सामाजिक संजालबाट साभार l