श्रीहिमवत्खण्ड,नेपाल माहात्म्य श्री शिव महापुराण श्रावण १ बाट सुरु हुने घोषणा भएको छ । विभिन्न क्षेत्रका व्यत्तित्वहरूको उपस्थितिमा कार्यक्रमको घोेषणा गरिएको हो । राजानन्द माण्डव्यको सङ्कल्पमा श्रीहिमवत्खण्ड नेपाल माहात्म्य श्री शिव महापुराणको आयोजना हुने भएको हो ।

२०८२ साल श्रावण मासको १ गतेबाट पशुपति क्षेत्र भित्र पर्ने सुमार्गी भवन अगाडि हुने हिमवत्खण्ड , नेपाल माहात्म्य, शिव महापुराणमा वाचन प्रविण प.दिनवन्धु पोख्रल, आचार्य पं.कविन्द्र न्यौपाने, व्यासाचार्य पं. दिपकिशोर भट्टराई, व्यासाचार्य सुमी मानव, आचार्य सरस्वती चौलागार्ई(शाकम्भरी) आदिले कथा वाचन गर्नु हुनेछ l 

त्यसैगरी आचार्य गार्गी चौलागाईँ(शाम्भवी),देवी अभियान शर्मा,व्यासाचार्य सञ्जेलजी महाराज, व्यासाचार्य पं चैतन्यकृष्ण महाराजजी, पं. वालकृष्ण अर्याल, पं. नारदमणि पौड्याल, व्यासाचार्य पं. केशव प्रसाद नेपाल , बाल व्यास द्वय पं.कविन वस्ती , पं. विश्वदेव दाहाल लगायतका धार्मिक व्यक्तित्वहरू बाट श्रावण मास भरि सुमधुर कथा श्रवण गर्ने सु-अवसर प्राप्त हुनेछ।