काठमाडौं -  भारतीय धर्मगुरु बागेश्वर बाबा ‘धीरेन्द्रकृष्ण शास्त्री’ सँग गृहमन्त्री नारायणकाजी श्रेष्ठ र परराष्ट्रमन्त्री एनपी साउदले भेट गरेका छन् । हिजो राति अबेर सानेपास्थित होटल भिवान्तामै पुगेर दुई मन्त्रीले बागेश्वर बाबासँग भेट गरेका हुन् ।

सुत्रका अनुसार होटलको एउटा कक्षमा शास्त्रीले मन्त्रीद्वयलाई गाेप्यरूपमा भेट दिएका थिए । गृहमन्त्रीलाई भेटका लागि राति ९ बजेको  समय दिइएको  थियो  । मन्त्री श्रेष्ठले शास्त्रीलाई भेट्न केहीबेर प्रतिक्षासमेत गर्नुपरेको थियो l उनी राति साढे १० बजेतिर बाहिरिएका थिए ।

शास्त्रीले आजै प्रधानमन्त्री पुष्पकमल दाहाल प्रचण्डसँग भेट गर्दै छन्। प्रधानमन्त्रीसँगको भेटपछि उनी आजै नवलपरासीस्थित शाश्वत धाममा हनुमान प्रवचन दिन त्यहाँ जानेछन् । हनुमान प्रवचनको लागि शास्त्री प्रख्यात छन् l 

Akabarey.com परीक्षण प्रसारणमा छ l