काठमाडौं- ‘दलितलाई खै’ भन्दै निर्वाचन आयोग अगाडि प्रदर्शन भएको छ । दलित अभियन्ता एवम 'दलितका लागि दलित अभियान नेपाल'का संयोजक खगेन्द्र सुनारको नेतृत्वमा बुधबार दिउसो निर्वाचन आयोगको कार्यालय कान्तिपथ अगाडि प्रदर्शन भएको छ । दलितको प्रतिनिधित्व हुने निर्वाचन कानुन खै भन्ने ब्यानर सहित 'दलितलाई खै' का अभियन्ताहरू खगेन्द्र सुनारको नेतृत्वमा सडक प्रदर्शन गर्दै निर्वाचन आयोग पुगेर धर्ना दिएका  थिए l 

 
निर्वाचन प्रणालीमा दलितको समानुपातिक समावेशीता सुनिश्चित गर्ने व्यवस्था कायम नभएको र निर्वाचन आयोगले तयार पारेको एकीकृत निर्वाचन सम्बन्धी विधेयकमा पनि दलितको समानुपातिक प्रतिनिधित्व सुनिश्चित नगरिएको हुनाले आफ्ना लागि आफै जाग्नु पर्ने छ  सुनार भन्छन्: ३ बुँदे मागसहितको ज्ञापन पत्र निर्वाचन आयोगलाई दलितका लागि दलित अभियान नेपालले पेश गरेको हो l 

आफ्ना माग बारे संयोजक सुनारले भने, ‘एकीकृत निर्वाचन विधेयकले दलितको समानुपातिक समावेशी प्रतिनिधित्व सुनिश्चित गरेको छैन । संविधानले स्वीकार गरेको दलित समानुपातिक समावेशी प्रतिनिधित्व सुनिश्चित गरी एकीकृत निर्वाचन ऐन जारी गरिनुपर्छ ।

 दलितको समानुपातिक प्रतिनिधित्वका लागि पूर्ण समानुपातिक निर्वाचन प्रणाली लागू गरिनुपर्छ । मिश्रित निर्वाचन प्रणाली कायम गर्ने हो भने प्रत्यक्षमा दलितका लागि समानुपातिक परिणाम आउने गरी निर्वाचन क्षेत्र आरक्षित गरिनुपर्छ ।

 अर्को विकल्प निर्वाचन क्षेत्र आरक्षित नगर्ने हो भने दलितलाई प्रत्यक्षमा कम्तीमा समानुपातिक उमेद्वार दिइनुपर्छ र प्रत्यक्षबाट निर्वाचित नभएको खण्डमा समानुपातिकबाट दलितको १४ प्रतिशत प्रतिनिधित्व सुनिश्चित गरिनुपर्छ । स्थानीय तहको प्रमुख, उपप्रमुख, अध्यक्ष, उपाध्यक्ष र वडा अध्यक्ष पदमा दलितको समानुपातिक प्रतिनिधित्व सुनिश्चित हुने व्यवस्था गरिनुपर्छ ।

‘दलितलाई खै ’ लेखेको पम्प्लेट बोकेर घाटी र दुवै हातमा साङ्लो लगाउँदै सुनार र्‍याली सहित निर्वाचन आयोग पुगेका थिए l निर्वाचन आयोगको गेटमा केहीबेर भित्र जाने र ज्ञापनपत्र बुझाउने विषयमा भनाभन र चर्काचर्की समेत भएको थियो l 

दलितका लागि दलित अभियानले निर्वाचन आयोगमा बुझाएको ज्ञापनपत्र :