रास्वपा सभापति माघ दुई गते काठमाडौँ जिल्ला अदालतमा सहकारी ठगी लगायत अन्य मुद्दाको आरोपी भएर ६० लाख धरौटी बुझाएर रिहा भए देखि कतै सार्वजनिक रूपमा बोलेका र देखिएका थिएनन् l अहिले नबोले पनि तस्बिर भने सार्वजनिक भएको छ l 

आज  रवि लामिछाने पत्नी निकिताले रविसँग मन्दिर गएको, देवतालाई पूजा गरेको तस्बिर सार्वजनिक गरेकी छन् l

निकिता पौडेल लामिछानेले क्याप्सन नराखी केही फोटोहरू सार्वजनिक गरेकी छन् l रास्वपाका नेता कार्यकर्ताले उक्त फोटोमा अनेक थरी क्याप्सन राखेर सार्वजनिक संजालमा शेयर गरिरहेको देखिन्छ l 

निकिता पौडेल लामिछानेको नाम भएको फेसबुकमा पोष्ट भएको फोटोमा SATURDAY को रातो लोगो देख्न सकिन्छ l फोटो बारे केही कतै उल्लेख नगरे पनि धेरैलाई यो फोटो आजको नै हो र विभिन्न मन्दिरमा रवि पत्नीसाथ गएको र त्यसलाई निकिताले सार्वजनिक गरेर खुशी मनाएको रूपमा बुझ्न सकिन्छ l