असार, २८ आज नेकपा एमालेका अध्यक्ष केपी ओली नेपाली कांग्रेसको समर्थनमा प्रधानमन्त्री बन्दैछन् l गत असार १७ गते भएको भनिएको ७ बुँदे सहमति पछि कांग्रेस एमाले संयुक्त सरकार बनाएर जान राजी भएका छन् l आज प्रधानमन्त्री प्रचण्डले विश्वासको मत गुमाए पछि प्रधानमन्त्रीको स्थानमा ओली पुग्नेछन् l तसर्थ कांग्रेस  र एमालेको संयुक्त सरकारमा मन्त्री हुने सम्भावित अनुहार बारे चर्चा हुने गरेको छ l

नेपाली कांग्रेसबाट गगन थापालाई बाहिर चर्चा गरिए पनि थापाले आफू पार्टीको महामन्त्री भएको कारण मन्त्री बनेर मात्र नजाने स्पष्ट पारेका छन् l  अन्य कांग्रेसीहरू आआफ्ना नेता समाएर लविंगमा व्यस्त छन् l कांग्रेसको तर्फबाट नेतृत्व प्रकासमान सिंहको करिब करिब फाइनल भए पनि अन्य मन्त्रीका आकांक्षीहरू आफ्नो मेरिट लिस्ट देखाएर दौड धूपमा व्यस्त छन् l कांग्रेसबाट दलित समुदायको व्यक्तिमा सहमहामन्त्री जीवन परियारको सम्भावना अधिक रहेको कांग्रेस वृत्तको आँकलन छ l आज एमालेले प्रस्तुत गर्ने दुई युवा अनुहारको बारे परिचर्चा गरिन्छ l 

एमालेले प्रत्यक्ष निर्वाचित प्रतिनिधिलाई मन्त्री मण्डलमा समावेश गर्ने नीति र सकेसम्म युवा अनुहार प्रस्तुत गर्ने नीति अख्तियार गरेको छ l कांग्रेससँग सहकार्य भएको कारण मन्त्रीहरू पनि त्यस्तै र जुझारु हुनुपर्नेमा ओली सचेत छन् l आम मान्छेलाई ओलीको रोजाई र उनले कुनै मान्छे अघि बढाउनु पर्दा गर्ने व्यवहार बारे थोर बहुत जानकारी छ l ओलीको रोजाईमा पर्न सक्ने युवा तीन अनुहारमा महेश बर्तौला, सूर्य थापा र सुहाङ नेम्वाङ् यतिबेलाका युवा हुन् भन्नेमा एमालेजन ढुक्क छन् l

सुहाङ बारे ओली निर्णयमा पुगी नसके पनि महेश र सूर्यबारे धेरै सकारात्मक रहेका छन् l २०७९ को सङ्घीय चुनावमा कांग्रेस माओवादी गठबन्धनको चुनौती सामना गर्दै अर्को कम्युनिष्ट उमेद्वारलाई नै हराएर पहिलोपटक संसद छिरेका दुई युवा एमालेका आसाका उज्यालो हुन् l एमालेजन भन्छन् : सूर्य थापा ओलीको विश्वास पात्र र पहिले पनि २०७६ मा ओलीको प्रेस सल्लाहकार भएर काम गरिसकेका व्यक्ति हुन् l उनी ओलीका हर वचनको पालना गर्न माहिर छन् l त्यस्तै अखिलको राजनीतिबाट एमालेको राजनीतिमा आएका महेश बर्तौला वाम उमेद्वार विरोध खतिवडालाई मकवानपुर २ बाट पराजित गरेर संसद छिरेका जुझारू र विनयी स्वभावका युवा हुन् l महेश नेकपा एमालेको संसदीय दलको प्रमुख सचेतक भएर आफ्नो क्षमता प्रदर्शन गरिरहेका युवा हुन् l जसलाई ओलीले नजिकबाट नियालेर हेरिरहेका छन् l

नेकपा एमालेबाट मन्त्री बन्न इच्छुक योगेश भट्टराई पनि हुन् तर योगेशको विगतको भूमिका र ओली सरकार गिराउन उनले खेलेको अराजनितिको कारण ओली योगेशलाई बढवा दिने पक्षमा छैनन् l

दलित समुदायका सङ्घीय संसदमा प्रत्यक्ष निर्वाचित छविलाल विश्वकर्मा पनि यस पटक मन्त्री मण्डलामा समावेश नगरी नहुने नाम हो l किनकि एमाले अध्यक्ष ओलको कान्तिपुर फायर साइडमा भुषण दाहाललाई २०७३ मङ्गसिर २० गते दिएको अन्तर्वार्ताले दलित विरोधी र आरक्षण विरोधी कोटा विरोधीको ट्याग लागेको छ उक्त ट्याग डिलिट गर्न पनि ओलीलाई दलित समुदायको व्यक्तिलाई सबैभन्दा राम्रो मन्त्रालय दिएर राख्ने अवस्था सिर्जना गरेको छ जसको लागि एमालेका सचिव भइसकेका र निर्वाचित सिनियर नेता विश्वकर्मा अनुकूल पात्र हुन् l

विद्या भट्टराई पनि मन्त्री हुने एमाले भित्रकी हालको परिस्थितिको अर्की सम्भावित पात्र हुन् l यी पात्रहरूबारे विशेष परिस्थति र अन्य प्रतिकूलता खडा नभए मन्त्री हुने सम्भावना अधिक रहेको एमाले स्रोत बताउँछ l ओलीको रुचि र छनोटलाई पार्टी पंक्तिले चुनौती दिने सम्भावना नभएको कारण ओलीको रोजाइमा परेका युवा मन्त्रीमा पक्का रहेको बताइन्छ l पदम गिरीलाई यस अघि नै अवसर दिएको कारण उनी मन्त्री बन्ने सम्भावना कम छ l बिष्णु पौडेल बाध्यताको उपजको रूपमा अर्थमन्त्री बन्ने सम्भावनायुक्त पात्र भएको विश्लेषण पनि गरिन्छ l यद्दपि कुन कुन मन्त्रालय कसलाई दिने भन्ने बारे निर्णयमा एमाले पुगिसकेको छैन l 

फाइल फोटो प्रयोग l