असार, २८ चितवन -  चितवनको नारायणगढ–मुग्लिन सडकखण्डमा पहिरोले दुईवटा यात्रु बसलाई पुरेको छ । केही यात्रुहरु समेत बेपत्ता छन् । वीरगञ्जबाट काठमाडौंतर्फ आइरहेको बागमती प्रदेश १५१६ नम्बरको एन्जल डिलक्स लेखेको बस र काठमाडौंबाट गौरतर्फ जाँदै गरेको नम्बर नखुलेको गणपति डिलक्स लेखेको बसलाई भरतपुर महानगरपालिका वडा नम्बर २९ सिमताल भन्ने स्थानमा पहिरोले पुरेको बताइएको छ ।

 जिल्ला प्रहरी कार्यालय चितवनले कति यात्रु बेपत्ता छन् भन्ने जानकारी प्राप्त नभइसकेको र जानकारी लिने काम हुँदै गरेको छ l प्रारम्भिक जानकारीअनुसार गौर जान आउँदै गरेको बसमा ४१ जना र काठमाडौँ जाँदै गरेको बसमा २४ जना रहेका थिए । जसको लागि ७५ जनाको प्रहरी टोली खोजतलास  गर्न लागिरहेको  प्रहरी कार्यालय चितवनले जनाएको छ ।

सडकमाथिबाट खसेको पहिरोले आज बिहान करिब साढे ३ बजे तिर बस पुरिएको  प्रहरी कार्यालय चितवनले जनाएको छ । अविरल वर्षाको कारण उद्दार कार्यको लागि असहज भएको पनि प्रहरीले जानकारी दिएको छ l 

दुर्घटनाको फाइल फोटो प्रयोग गरिएको छ l