रास्वपाका महामन्त्री मुकुल ढकालको देश दौडाहाको समीक्षा प्रतिवेदन र स्पष्टीकरणले रास्वपा पार्टी भित्र पाकिरहेको अनेकथरी खिचडीलाई सङ्केत गरेको छ l यतिबेला रास्वपाको भविष्य र सम्भावनालाई लिएर प्रेस गर्माएको छ राजनीति तरङ्गमा छ l रास्वपाका शुभचिन्तकहरू अन्योलमा छन् l रास्वपा भित्र देखिएको फरक मत र प्रतिवादको नमुना यहाँ प्रस्तुत छ l 

महामन्त्रीको प्रतिवेदन उपर जबाफ फर्काउँदै  असार १२ मा केन्द्रीय सदस्य गणेश कार्कीले आफ्नो फेसबुक वालमा लेखेका छन् : पार्टीको हालको अवस्थाको बारेमा महामन्त्रीको समीक्षामा धेरै कुरामा सहमत छु । पार्टीको विधि, चरित्र र बाटोको बारेमा मैले उठाइरहेको विषयमा आइपुग्नु भएकोमा स्वागत छ । सँगसँगै प्रश्न छन्, यो अवस्थामा पुग्यो कसरी ? पार्टीले आफ्नो चरित्र बिर्सिन उहाँ स्वयम् को योगदान कति रह्यो ?

संगठन अस्थिर र जथाभावी कसले बनायो ? आफ्नालाई अवसर दिन विधि मिचि मिचि पार्टी कार्यालयमा नै आन्दोलन समेत गर्न उक्सायो कसले ? एउटा सांसद पदका लागि विधि र चरित्रमा अतिक्रमण गर्न शुरू कसले गरायो ? यी र यस्ता धेरै प्रश्नको सहि जवाफ अब खोज्न ढिलो गर्न हुन्न । त्यस्तै गरी रास्वपा  केन्द्रीय सदस्य एवम् काठमाडौँ  क्षेत्र नं. ५ रास्वपाका सङ्घीय सांसदका उमेद्वार डा. प्रणय राणाको ( असार, १३ ) फेसबुक मार्फत आफ्ना असन्तुष्टि प्रश्नको रूपमा पोखेका छन् l डा. राणाको प्रश्नहरू यस्ता छन् :

जबाफ चाहियो,हामी सच्चिएनौ भने सक्किने छौं ।” भने अभिव्यक्ति भित्रको “हामी” को हो ?

- इलाममा पूर्व चुनाव (प्राइमरी इलेक्सन) हुन नदिने “हामी” को हो ?

- हालसम्म केन्द्रीय समितिको चुनाव नै नभएको अवस्थामा सभापतिको उम्मेद्वार हुन एक कार्यकाल केन्द्रीय  सदस्य भएको हुनुपर्ने संसोधन पारित गराउने “हामी” को हो ?

- प्रदेश चुनाव पछि सबै तर्दथ समिति पदाधिकारी/सदस्यको चुनाव हुने अभ्यास भैसकेको अवस्थामा गुटको राजनीतिलाई प्रश्रय दिने खालको सबै तहमा निर्वाचित सभापतिले सम्पूर्ण कमिटी टीका लगाई छनोट गर्ने एकतन्त्रीय विधान पारित गर्ने “हामी” को हो ?

- चुनावबाट निर्वाचित प्रदेश सभापतिको उपर अवैधानिक प्रदेश इन्चार्ज खटाउने “हामी” को हो ?

- अधिवेशन पूरा नहुँदै चुनावबाट आएको क्षेत्रीय समिति खारेजी गर्नेतर्फ जाने, प्रदेश समिति घटाउने “हामी” को हो ?

 १००० को सदस्यहरूको विचारको मूल्य हुन्न ? के fundraising को लागि मात्र हो ? अनि अँ अँ मात्र गर्न पर्ने ?

- नयाँ युगको सङ्कल्पको भनी वैकल्पिक पार्टीको खोलमा पूर्ण कम्यूनिष्ठ extreme leftist धार प्रस्ताव गर्ने "हामी" को हो ?

सायद नेपालको मुहार फेर्ने राजनीतिक विकल्प यही हो भनी निष्ठापूर्वक आफ्नै श्रोतसाधनले खुरु खुरु ग्रासरुटमा काम गरिरहेका “हामी” लाई नै सच्चिन भनिएको होला ।

स्मरणीय: यी सामग्री र फोटोहरू akabarey.comले सम्बन्धित व्यक्तिहरूको अनुमतिमा प्रकाशन गरेको छ - सम्पादक l