आउँदो असार ७ गते राष्ट्रिय स्वतन्त्र पार्टी २ बर्षको हुनेछ । यो दुई बर्षमा हाम्रो गति यति तिव्र भयो कि थोरैमात्र गति कम भए पनि थला परेको देखिने रहेछ ।

यस्तो नदेखिने बन्न के गर्नु पर्छ भन्ने सोच्न ढिलो हुन लाग्यो । हामीले चाहेको भए यो दुई वर्षमा पार्टीको संरचना बनिसक्थ्यो, दस्तावेज र चुनाव अगाडि भने जस्तै चरित्र बनेको हुन्थ्यो, महाधिवेशनबाट पार्टीका सदस्यहरूले चुनेको नेतृत्व र समितिहरू आएको हुन्थे । तर दोस्रो वार्षिकोत्सव मनाउँदै गर्दा दुई पल्ट सरकारमा पुगेका छौँ । पहिलो पल्ट मतपरिणामको हुटहुटीले र दोस्रो पल्ट चैँ हुटहुटीमा हतार गरेर पहिलो पल्ट सरकारमा जानु गल्ती थियो भनेर आफैले भनेको कुरा बिर्सिएकाले ।

अहिले सरकारको १०० दिन पुग्दै गर्दा हामीसँग के छ ? बन्दाबन्दै रोकिएको संगठन, फेरिदै गरेको ठानिने पार्टीको चरित्र, मन्त्रीहरूले गोजीमा बोकेको राजिनामा पत्र, म्याद नतोकी सारिएको महाधिवेशन र सातो उडेका साथीहरू । अब पहिले आफैले भनेका, लेखेका कुराहरू सम्झिएर, केहि बेर रोकिएर आफ्नो चरित्र के भनेका थियौँ, अर्कै भएको छ कि भने अनुसारै भएको छ भन्ने हेर्न सबैलाई समय मिलोस् ।

मिति तोकिएका केन्द्रीय समिति बैठकसमेत बस्न सकोस् । 'दुई मिनेटमा सक्नु है ।', 'सबैलाई ७ मिनेट समय छ, त्यही = अनुसार गरौँ है' भन्न नपर्ने गरी  केन्द्रीय समितिको लामो र प्रभावकारी बैठक बस्न 'क्याबिनेट बैठक' ले बाधा नपुर्याओस् ।

सबैलाई दोस्रो वार्षिकोत्सव सप्ताहको शुभकामना । र, मिच्छामि दुक्कडम् !
 

स्मरणीय: गणेश कार्की रास्वपा केन्द्रीय सदस्य हुन् l उनले आफ्नो सार्वजनिक संजाल फेस बुकमा राखेको यो सामग्री akabarey.com ले साभार गरेको छ l सम्पादक