नेपाल लोकतन्त्रवादी आदिवासी जनजाति महासङ्कोघको ऐतिहासिक प्रथम राष्ट्रिय महाधिवेशन २०८१ असार ११, १२ र १३ काठमाडौमा हुने भएको छ ।

"संगठित, प्रशिक्षित र समुन्नत समाज निमार्ण अभियान संघीय लोकतान्त्रिक गणतन्त्र र धर्म निरपेक्षताको रक्षार्थ प्रथम राष्ट्रिय महाधिवेशन" भन्ने मुल नाराका साथ सम्पन्न हुने महाधिवेशनको उदघाटन समारोह नेपाली कांग्रेसका सभापति एवं पुर्व प्रधानमन्त्री शेरबहादुर देउवाले गर्ने महासङ्काघको अध्यक्ष ओमबहादुर घर्तीमगरले जानकारी दिएका छन् । नेपाल आदिवासी जनजाति संघ २०५५ सालमा स्थापना भएतापनि अहिलेसम्म महाधिवेशन हुने सकेको थिएन ।

महाधिवेशन भव्यताका साथ सम्पन्न गर्न अध्यक्ष घर्तीमगरको संयोजकत्वमा केन्द्रीय सदस्यहरु, जातीय सङ्काघका अध्यक्षहरु, महासङ्घका प्रदेश अध्यक्षहरु र काठमाडौ, भक्तपुर र ललितपुरका महसङ्घका अध्यक्षहरु रहेको १०१ सदस्यीय महाधिवेशन मूल व्यवस्थापन समिति गठन भएको छ । महाधिवेशनलाई व्यवस्थित बनाउन विभिन्न उपसमितिहरु गठन गरिएको छ ।

प्रचार प्रसार उपसमिति संयोजक केन्द्रीय सदस्य,पासाङ शेर्पा, आर्थिक उपसमिति संयोजक मनमोहन छन्त्याल, स्वयम सेवक परिवालन उपसमिति संयोजक नेपाल तामाङ सङ्घ सभापति रामकृष्ण लामा, अतिथि सत्कार उपसमिति संयोजक केन्द्रीय सदस्य,केशाङमु शेर्पा आवास तथा भोजन व्यावस्थापन उपसमिति केन्द्रीय सदस्य संयोजक, टोपबहादुर थापामगर, मञ्च व्यावस्थापन उपसमिति–केन्द्रीय सदस्य संयोजक – मदनलाल श्रेष्ठ, सांस्कृतिक कार्यक्रम उपसमिति संयोजक नेपाल तमु सङ्घ, अध्यक्ष भुवनसिंह गुरुङ र प्रतिनिधि दर्ता उपसमिति संयोजक केन्द्रीय सदस्य, रेनुका काउचा मगर रहेका छन् ।

महासंघले आदिवासी समुदायलाई नेपाली कांग्रेससँग जोड्न "आज अभियान" अन्तर्गत देशव्यापी संगठन विस्तार र प्रशिक्षण कार्यक्रम आयोजना गरेको थियोे । "आज अभियान" ले आदिवासी समुदायमा उर्जा दिनुका साथै महासङ्घको १७ बुदे घोषणा पत्र मार्फत संगठनको धारणालाई अझ वडा तह सम्म पुर्याएको थियोे । माउ पार्टी नेपाली कांग्रेसले महाधिवेशन गर्न दिएको समय सीमा असार १५ सम्म रहेकोले समय अवधिमा नै महाधिवेशन सम्पन्न गर्न लागेको अध्यक्ष घर्तिमगरले बताए ।