काठमाडौँ,जेठ १७ 

अपाङ्गता भएका व्यक्तिको अधिकार सम्बन्धी ऐन, २०७४ र नियमावली २०७७ अनुसार : १) पूर्ण अशक्त र अति अशक्त अपाङ्गता भएका व्यक्तिहरुलाई आवश्यकताको आधारमा व्यक्तिगत सहयोगी सेवा तथा साङ्केतिक भाषा दोभासेको आ.ब. २०८१⁄२०८२ को वार्षिक नीति तथा कार्यक्रम र बजेटमा अनिवार्य ब्यवस्था गरि तुरुन्तै लागु गरियोस । २) सबै अपाङ्गता भएका व्यक्तिहरूलाई आवश्यकता अनुसारका सहायक सामग्रीहरु सरकारी संयन्त्रबाटै निशुल्क प्राप्त गर्ने अनिवार्य ब्यवस्था गरियोस । ३) अपाङ्गता भएका व्यक्तिहरुको सेवा सुविधाहरूलाई स्थानीय तहमार्फत प्रदान गर्न नियमावलीको दफा ९ अनुसारको “सामुदायिक सहायता सेवा” सम्बन्धी कार्यबिधि बनाई आ.ब. २०८१⁄२०८२ बाट सुरु गरियोस ।

२०८० १२/१४ गते भएको सम्झौता तुरुन्त लागु गरियोसलगायत माग राखेर पूर्ण अशक्त अपाङ्गता भएका तनहुँका दीपक भण्डारीको नेतृत्वमा वैशाख १८ गतेदेखि रत्नपार्कको शान्ति बाटिकामा अनसन चलिरहेको छ l यतिका दिन बित्दा पनि सरकार बेखबर छ l सरकार त्यतिबेला सुनिने र देखिने भएर आउँछ जब अपाङ्गता भएका मानिसहरू आफ्नो माग सुनुवाइ गरियोस् भनेर अति दुख र कस्टका साथ सडकमा निस्कन्छन् तब सरकार प्रहरी लगायर अशक्त व्यक्तिहरूप्रति निर्मम ढङ्गले जाइलाग्छ l आजसम्म सरकार देखिने गरी आएको भनेको त्यही हो दीपक भण्डारी सुनाउँछन् l 

दोलखाका प्रेम बुढाथोकी र काभ्रेका रामबहादुर तामाङ शान्ति बाटिकामै अनशन बसिरहेका छन् । यति लामो समयसम्म पूर्ण अपाङ्गता भएकाहरू आफ्नो हकअधिकारको लागि शान्तिपूर्ण रूपमा अनशन बस्दा पनि सरकारी पक्षबाट भने कुनै पहल भएको छैन । 

सरकार स्वयं वार्तामा नबसे पनि बजेट मार्फत हाम्रो समस्या र विषय सम्बोधन गर्छ कि भन्ने आशा थियो तर त्यो आशा पनि निराशामा बदलियो अब शशक्त आन्दोलन गर्ने, दवाब बढाउँदै लैजाने र राष्ट्रिय अन्तराष्ट्रिय चासोको विषय बनाउने र अन्तिम विकल्पको रूपमा कानुनी बाटो तय गर्दै सम्भवतः केही दिनमै सर्वोच्च अदालतमा मुद्दा हाल्छौँ ।’ दीपक भन्छन् l 

अपाङ्गता भएका व्यक्तिहरूको आन्दोलनमा सबैतिरबाट जोडिन साथ दिन दीपकको विशेष आग्रह छ l 

 बजेटमा आफ्ना मागको सम्बोधन हुने आशा राखेर पीडितहरू ले प्रधानमन्त्री पुष्पकमल दाहाल प्रचण्ड, अर्थमन्त्री वर्षमान पुन र महिला, बालबालिका तथा ज्येष्ठ नागरिक मन्त्री भगवती चौधरीलाई मार्मिक सन्देशसमेत पठाएका थिए ।  

सन्देश यस्तो थियो 

 ‘मन्त्रीज्यू पूर्ण अशक्त अपाङ्गताको लागि ‘व्यक्तिगत सहयोगी सेवा’ उपलब्ध गराउने सम्झौता कार्यान्वयन गर्न बजेटमा ब्यवस्था गर्नु भयो कि सहिद बनाउँदै हुनुहुन्छ ? आन्दोलन, वार्ता र अनशन जारी छ । हामीलाई थप आन्दोलनमा नधकेल्नु होला । बजेटको प्रतीक्षामा छौँ ।

दीपक भण्डारी बचाऔँ !’

तर यसको सुनुवाइ भएन । यसअघि अपाङ्गता भएका व्यक्तिहरूले आफूहरूसँग सरकारले गरेको सहमतिको कार्यान्वयन गर्न दबाब दिन राजधानीमा गरिएको प्रदर्शनमा प्रहरीले हस्तक्षेप गरी अपाङ्गता भएकाहरूलाई  घाइते बनाएर सरकार दमनमा उत्रिएको थियो l 

सरकार दमनमा उत्रने, नागरिक वास्ता नगर्ने भएपछि अपाङ्गता भएका व्यक्तिहरूले यसरी आफ्नो फेस बुक वालमा लेखेका छन् :

'ए चोर,डाँका, भ्रस्टचारि हो हामी अपाङ्गहरुको सत्तो सराप छ तिमी टाउकेहरुलाई । हे इश्वर भगवान यदि तिमी छौ र तिम्रो शक्ति छ भने यिनी फटाहाहरूलाई पूर्ण अपाङग बनाई दिनु हे देवी  देउराली माता तिमीलाई के चढाउनु पर्छ चढाउने बाचा भयो मेरो।'

आफ्नो दुख वेदना र शारीरिक कष्टको उपेक्षा गर्ने हरूलाई अपाङ्गता भएका व्यक्तिहरूले दुष्टहरूलाई सराप्ने कोण सभा पनि गरेका थिए l यसरी सरापेर हुन्छ त भन्ने akabarey.com को प्रश्नमा दीपक भन्छन् : हामी लडन भिड्न सक्तैनौ, हाम्रै जीन्दगी आफ्नो लागि भारी छ मुख छ यही मुखले प्रतिरोध गर्छौं ? अरू के गर्न सकिन्छ र ? शारीरिक दुख कष्ट हाम्रो रहरले भएको हो र ? सरकारहरू भ्रष्टचार गर्छन् , अनावश्यक बजेट तर्जुमा गर्छन् तर आफ्ना अपाङ्गता भएका नागरिकको सेवा र सुरक्षाको लागि भने संवेदनशील छैनन् l हाम्रो जस्तो अवस्थामा संवेदनशील नहुने पार्टीहरू सरकारहरू के सरकार, के पार्टी ? यिनीहरू हाड छाला मासी र भाताखाने भकारी मात्र हुन् l हृदयहीन मान्छेहरूको झुण्ड मात्र हुन् मानव होइनन् l मनाव यति सारो संवदेनहीन हुँदैन l 

जनता कस्ता कस्ता कुरामा सडकमा निस्कन्छन् l सांसदहरू पढेलेखेका युवाहरू कसलाई भिसा दे कसलाई न दे भनेर सडकमा आउँछन् तर हाम्रो लागि सरकार अन्धो भयो तर जागरुक युवा किन अन्धा भएका होलान् ? दीपक आम मान्छेको प्रवृतिप्रति प्रश्न गर्छन् l 

आज १० : ३० मा शान्ति वाटिकाबाट सरकारलाई आर्थिक सहयोग गर्न अपाङ्गता भएका व्यक्तिहरूले थाल ठटाएर आर्थिक जोहो गरेर सरकारलाई पठाउने कार्यक्रम रहेको जानकारी पनि दीपक भण्डारीले दिएका छन् l