इलाम क्षेत्र नम्बर २ मा नेकपा (एमाले) का उम्मेदवार सुहाङ नेम्बाङ विजयी भएका छन् । उनी २७ हजार ७७२ मत ल्याएर विजयी भएका हुन् ।

उनका निकटतम् प्रतिद्वन्द्वी नेपाली कांग्रेसका डम्बरबहादुर खड्काले २१ हजार ९४२ मत ल्याएका छन् । खड्काभन्दा सुहाङ ५ हजार ८३० मतान्तरसहित विजयी भएको जिल्ला निर्वाचन अधिकृतको कार्यालयले जनाएको छ ।

यस्तै स्वतन्त्र उम्मेदवार डकेन्द्रसिंह थेगिमले ११ हजार ४५७ मत प्राप्त गरेका छन् भने राष्ट्रिय स्वतन्त्र पार्टीका उम्मेदवार मिलन लिम्बू ५ हजार ५० मत प्राप्त गरेका छन् ।

अघिल्लो निर्वाचनमा इलाम २ बाट सुहाङका बुवा एवं संविधान सभाका अध्यक्ष एमाले नेता सुवासचन्द्र नेम्वाङ ३० हजार २० मत ल्याएर विजयी भएका थिए । उनका प्रतिस्पर्धी नेपाली कांग्रेसका डम्बरबहादुर खड्काले २९ हजार नौ सय ६ मत प्राप्त गरेक थिए  l 

 गत वर्ष भदौमा निधन भएपछि रिक्त रहेको उक्त स्थानमा वैशाख १५ गते उपनिर्वाचन भएको थियो । जहाँ एमालले एक्लै लड्दा पाएको मतभन्दा २२४८ कम मत ल्याएर  माओवादी केन्द्रसँगको गठबन्धन सहित विजय प्राप्त गरेको छ l कांग्रेस एमाले र नेकपा एस सहितको गठबन्धनसँग मिलेर गत निर्वाचनमा २९९०६ मत ल्याएका डम्बर खड्का ७९६४ मत ल्याएर सुवास नेम्वाङ पुत्र सुहाङ नेम्वाङसँग पुन पराजित बने l इलाम दुईमा गत संसदीय चुनावमा कांग्रेसले करिब बाइसहजार मत प्राप्त गरेको थियो l 

स्मरणीय : फाइल फोटो प्रयोग