विवेकशील साझा पार्टीले २०८० चैत २३ गते शुक्रबार एक विज्ञप्ति जारी गरेको छ l जसमा वहालवाला मन्त्रीहरूदेखि राजकीय पदमा आसिन वर्तमान तथा पूर्वपदाधिकारीहरू समेत सामेल विभिन्न सहकारी ठगी प्रकरणमा हजारौं सर्वसाधारणको अरबौं रकम अपचलन हुँदा पनि सरकार मौन रहेकोप्रति आफ्नो ध्यानाकर्षण भएको भन्दै ठगी प्रकरणमा संलग्नहरूलाई छानबिनको लागि उच्च स्तरीय आयोग गठनको माग गरेको छ l दोषीलाई कारबाही र पीडितलाई राहत र परिपूरणको व्यवस्था गर्न सरकारसँग माग गरेको छ l सरकारमै रहेका कतिपय आरोपित मन्त्रीहरूले सत्ताको दुरुपयोग गर्दै दलीय दादागिरीको जगमा छानविनलाईनै स्याबोटेज गरिरहेको भन्ने सरोकारवाला र सहकारी पीडीतहरूको भनाईलाई वेवास्ता नगर्न विवेकशील साझा पार्टी प्रधानमन्त्रीलाई विशेष ध्यानाकर्षण गराउँछ भन्दै पार्टी प्रवक्ता आशुतोष प्रधानको नाममा विज्ञप्ति प्रकाशित भएको छ l विवेकशील साझाद्वारा जारी प्रेस विज्ञप्ति जस्ताको त्यस्तै :

सहकारी ठगी प्रकरणको उच्च स्तरीय छानविन आयोग गठन गर ! -विवेकशील साझा पार्टी वहालवाला मन्त्रीहरुदेखि राजकीय पदमा अासिन वर्तमान तथा पूर्व पदाधिकारीहरु समेत सामेल विभिन्न सहकारी ठगी प्रकरणमा हजारोैँ सर्वसाधारणको अरबोैँ रकम अपचलन हुँदा पनि सरकार मोैन रहेकोप्रति विवेकशील साझा पार्टीको गम्भिर ध्यानाकर्षण भएको छ। विवेकशील साझा पार्टी सहकारी ठगी प्रकरणमा संलग्नहरुलाई छानविनका लागि उच्च स्तरीय आयोग गठन गरी दोषीलाई हदै सम्मको कारवाही गर्न र पिडीतलाई राहत तथा परिपूरणको ब्यवस्था गर्न सरकारसंग जोडदार माग गर्दछ। सरकारमा संलग्न मन्त्रीहरु,पूर्व मन्त्रीहरु, विभिन्न दलका नेताहरुको मिलेमतो र सेटिङमा सर्वसाधारणको अरबोैँ रुपैयाँ अपचलन हुनु र पिडीतको विल्लिबाँठ हुँदा पनि सरकारले प्रभावकारी छानविन गरी दोषीलाई कारवाही नगर्नु जनमतको अवहेलना र पिडीतप्रति अचाक्ली ज्यादती भएको विवेकशील साझा पार्टीको ठहर छ। सरकारमै रहेका कतिपय आरोपित मन्त्रीहरुले सत्ताको दुरुपयोग गर्दै दलीय दादागिरीको जगमा छानविनलाईनै स्याबोटेज गरिरहेको भन्ने सरोकारवाला र सहकारी पिडीतहरुको भनाईलाई वेवास्ता नगर्न विवेकशील साझा पार्टी प्रधानमन्त्रीलाई विशेष ध्यानाकर्षण गर्दछ।

स-प्रेम आशुतोष प्रधान प्रवक्ता विवेकशील साझा पार्टी २०८०/१२/२३