काठमाडौँ, फाल्गुन १२ 

शुक्रबार दिउँसो थापाथलीस्थित परोपकार प्रसूति तथा स्त्रीरोग अस्पतालको कम्पाउन्डबाट चोरिएको शिशुसहित काठमाडौँको काँडाघारीबाट एक महिलापक्राउ परेकी छन् l पक्राउ परेकी २४ वर्षीया मनकुमारी सिंह भएको र उनको बिहे भएको ३ वर्षसम्म पनि बच्चा नभएको पाइएको छ l 

मनकुमारी स्थानीय २८ वर्षीय नरेन्द्र मल्लकी पत्नी हुन्। मल्ल काठमाडौँमै नेपाली सेनामा कार्यरत छन् ।  काठमाडौँ काँडाघारी बस्ने सिंहको  घर दैलेख जिल्लाको नौमुले गाउँपालिका–१, अवलतोली हो ।

बच्चा चोरी काण्डमा प्रहरी मनकुमारीका श्रीमान् र दिदी शारदा शाहीलाई नियन्त्रणमा लिएको छ । मनकुमारीले काभ्रेको चौरीदेउराली गाउँपालिका–३ घर भएर कपन बस्ने २२ वर्षीया सविना श्रेष्ठकी २६ दिने छोरी चोरेकी हुन् ।

आज पत्रकार सम्मेलन गरी घटनाको विस्तृत जानकारी दिने जिल्ला प्रहरी परिसर काठमाडौँले जनाएको छ।