काठमाडौँ,फाल्गुन ७ 

पूर्व सचिव भीम उपाध्यायविरुद्ध अख्तियार दुरूपयोग अनुसन्धान आयोगले आइतबार विशेष अदालतमा मेलम्ची खानेपानी आयोजनमा भ्रष्टाचार गरेको आरोपमा मुद्दा दायर गरेपछि सामाजिक संजालमा सक्रिय भीम उपाध्यायको आलोचना तीव्र रूपमा गरियो l उनले १० घण्टापछि मात्र फेस बुकमा स्टाटस राखेर आफ्नो प्रतिक्रिया दिएका छन् l अदुवाले मुद्दा हालेपछि कुनै प्रतिक्रिया नदिएका भीम उपाध्याय नेपाल बाहिर रहेको जानकारी akabarey.कमलाई भर्खरै उनले दिएका छन् l अन्य कुरा मेरो स्टाटसमा छ र बाँकी कुरा म सबै बुझेर भनौला उपाध्यायले भने  l

उनको स्टाटसमा भनिएको छ :

'नेपाल जागेको बेला म सुतेको थिएँ । उठ्दा नेपाल सुतिसकेको छ । उठेपछि समाचार थाहा भयो, मुद्दा के हो विवरण बुझेपछि मेरो प्रतिक्रिया आउने नै छ । उनले लेखेका छन् l जब उनी विरुद्ध मुद्दा दर्ता गरियो भीम उपाध्यायको आलोचनाले सार्वजनिक सन्जाल भरियो उनको खोजी भयो l उनले आफ्नो संजालमा लेखेका छन् :
'मैले डेढ वर्ष अघि अख्तियारमा पुगेर यसबारेमा आफ्नो लिखित प्रतिक्रिया दिएको थिएँ ।
यो मुद्दा दायर गर्न पर्ने बिषय नै हैन, प्रोजेक्ट फिनान्सियल एवं टेक्निकल म्यानेजमेन्टको ईस्यु मात्र हो भनेको थिएँ । तर अख्तियारले आफ्नो ब्याख्यात्मक अधिकार प्रयोगगरेर मुद्दा दायर गरेछ ।
मुद्दामा रत्ति दम छैन । अधिकार हुनेले अधिकारको दुरूपयोग गर्न सक्छन् । यसको दोष लिने कुरा हुदैन ।
मेलम्ची टनेल प्रोजेक्ट कूल रू ८ अर्बको ठेक्का हो, राज्यको हिनामिना ७ अर्ब भएको भनेर मुद्दा परेको भनिएको रहेछ ।
अभियोजनको डिटेल अझै अध्ययन गर्न पाएको छैन । मसँग सोधिएको कुरा तपाईँ अध्यक्ष भएको मेलम्ची बिकास बोर्डका ५ सदस्यबाट अनुमोदन गराई किन ठेकेदारलाई बिनाब्याज पेश्की दिएको भनिएको हो, जति रकम पेश्की दिएको छ त्यसको ब्याज राज्यलाई हानी गर्यो भनिएको रहेछ । त्यो पेश्कीको ब्याज र ब्याजको स्याज वर्षौँको जोडेर बिगो कायम गरेको बुझियो ।
अरूको बारेमा मलाई खास थाहा भएन तर मेरो बारेको कुरा यति रहेछ । म ०७३ कार्तिक देखि ०७४ भदौ १२ गतेसम्म खानेपानी मन्त्रालयको सचिव पदमा १० महिना काम गरेको थिएँ, त्यसकै हैसियतमा मेलम्ची बोर्डको पदेन अध्यक्ष थिएँ ।
म ३ करोड नेपालीका सामू ढुक्क संग भन्छु, मबाट देशहितको काम बाहेक मेलम्चीमा कुनै गल्ती गरेको थिएन, छैन । देशको हितमा काम गर्नु गल्ती हुदैन त्यो पनि काकाकूल ४० लाख उपत्यकाबासीलाई पानी खुवाउने पवित्र काम गर्दा। मेलम्चीका कसैले मलाई १ रूपैया कुनै बेला दिएको छन् भने भनून्। मिटिंगमा चिया खाजा त्यो पनि शाकाहारीबाहेक केही खाएको पनि छैन ।
रिटायर भएको नै अहिले ६ वर्ष बितिसकेको छ ।

सामाजिक संजालमा भीम उपाध्यायको तर्फबाट आएको प्रतिक्रिया जस्ताको त्यस्तै :

'नेपाल जागेको बेला म सुतेको थिएँ। उठ्दा नेपाल सुतिसकेको छ। उठेपछि समाचार थाहा भयो , मुद्दा के हो विवरण बुझेपछि मेरो प्रतिक्रिया आउने नै छ।
मैले डेढ वर्ष अघि अख्तियारमा पुगेर यसबारेमा आफ्नो लिखित प्रतिक्रिया दिएको थिएँ।
यो मुद्दा दायर गर्न पर्ने बिषय नै हैन, प्रोजेक्ट फिनान्सियल एवं टेक्निकल म्यानेजमेन्टको ईस्यु मात्र हो भनेको थिएँ। तर अख्तियारले आफ्नो ब्याख्यात्मक अधिकार प्रयोगगरेर मुद्दा दायर गरेछ।
मुद्दामा रत्ति दम छैन। अधिकार हुनेले अधिकारको दुरूपयोग गर्न सक्छन्। यसको दोष लिने कुरा हुदैन।
मेलम्ची टनेल प्रोजेक्ट कूल रू ८ अर्बको ठेक्का हो, राज्यको हिनामिना ७ अर्ब भएको भनेर मुद्दा परेको भनिएको रहेछ।
अभियोजनको डिटेल अझै अध्ययन गर्न पाएको छैन। मसंग सोधिएको कुरा तपाईँ अध्यक्ष भएको मेलम्ची बिकास बोर्डका ५ सदस्यबाट अनुमोदन गराई किन ठेकेदारलाई बिनाब्याज पेश्की दिएको भनिएको हो, जति रकम पेश्की दिएको छ त्यसको ब्याज राज्यलाई हानी गर्यो भनिएको रहेछ। त्यो पेश्कीको ब्याज र ब्याजको स्याज वर्षौँको जोडेर बिगो कायम गरेको बुझियो।
अरूको बारेमा मलाई खास थाहा भएन तर मेरो बारेको कुरा यति रहेछ। म ०७३ कार्तिक देखि ०७४ भदौ १२ गतेसम्म खानेपानी मन्त्रालयको सचिव पदमा १० महिना काम गरेको थिएँ, त्यसकै हैसियतमा मेलम्ची बोर्डको पदेन अध्यक्ष थिएँ।
म ३ करोड नेपालीका सामू ढुक्क संग भन्छु, मबाट देशहितको काम बाहेक मेलम्चीमा कुनै गल्ती गरेको थिएन, छैन। देशको हितमा काम गर्नु गल्ती हुदैन त्यो पनि काकाकूल ४० लाख उपत्यकाबासीलाई पानी खुवाउने पवित्र काम गर्दा। मेलम्चीका कसैले मलाई १ रूपैया कुनै बेला दिएको छन् भने भनून्। मिटिंगमा चिया खाजा त्यो पनि शाकाहारीबाहेक केही खाएको पनि छैन।
रिटायर भएको नै अहिले ६ वर्ष बितिसकेको छ।
खैर बिशेष अदालतमा मुद्दा परिसकेको छ। विषय प्राविधिक बनेको छ। बदनीयत नभइ फौजदारी कसुर प्रमाणित हुने कुरा पनि हुदैन। स्वदेश फर्कनासाथ अदालतमा आफ्नो सफाईका लागि उपस्थित हुनेनै छु।
मेरा सबै शुभचिन्तकहरूले मन खिन्न नपार्नुहोला। कहिले काही भाइरस लागेर रूघाखोकी लाग्छ। सामान्य उपचार गर्नुपर्छ । मेरो हकमा यो मुद्दामा रौँ बराबरको पनि दम छैन ।
बुझ्नुस् रू ८ अर्बको ठेक्कामा रू ७ अर्बको भ्रष्टाचार? त्यो पनि सबै प्रकृया र बैंक ग्यारेन्टी लिएर दिएको पेश्कीको ब्याज गणना गरेर उक्त ब्याज र सोको स्याज समेत जोडी निकालिएको हिसाब रकम हानी नोक्सानी गरेको आरोपमा! त्यो पनि बोर्डको अध्यक्ष जसको कुनै कार्यकारी अधिकार हुदैन, प्रोजेक्ट ब्यवस्थापनले बिज्ञहरूको सिफारिसमा ल्याएको अनुमोदन प्रस्ताव अनुमोदन गर्दा !' 

स्मरणीय : पूर्व सचिव भीम उपाध्याय सामाजिक संजालमा अत्यतै चर्चामा रहने पात्र हुन् l विसंगति र वेथिति उजगार गर्न र आपदमा परेकालाई सहयोग गर्न उपाध्यायले सामाजिक संजालको अधिकतम उपयोग गरेका छन् l विभिन्न जानकारी पस्कने र भ्रष्टाचार विरुद्द क कसलाई कहिले मुद्धा दर्ता भएको जानकारी समेत हिजोसम्म भीम उपाध्यायको फेस बुकबाट आइरहेको छ l ( akabarey.com मा  प्रकाशित अघिल्लो समचारको खण्डबाट उधृत अंश  )

फोटो: भीम उपाध्यायको सामाजिक सन्जालबाट साभार 

akabarey.com ले पनि आज पूर्व सचिव भीम उपाध्याय र दुई पूर्व सचिवका विरुद्ध भ्रष्टाचारको आरोपमा मुद्दा  दायर भनेर समाचार प्रकाशित गरेको थियो l  हामी कसैका विरुद्ध आरोप लाग्दैमा कसैले आरोप लगाउँ दैमा आरोपीलाई अपराधी करार गरेर लेख्दैनौ र आरोपी भनेर मात्र सूचित गर्छौ l