माघ, २९ 

सहरी गरिब, सडक व्यवसायी र अनौपचारिक क्षेत्रका बासिन्दाले भोग्नु परेका समस्या सरकारलाई सुनाउन सामाजिक अभियन्ता ‘ईः’ ले बुद्धजन्मस्थल लुम्बिनीस्थित मायादेवी मन्दिर प्राङ्गणबाट सिंहदरबार पदयात्रा सुरु गरेका छन् । ईःसँगै अर्का अभियन्ता चाउ पदयात्रामा सहभागी छन् । दुवै अभियन्तालाई लुम्बिनी विकास कोषका पुरातत्व अधिकृत हिमाल उप्रेतीले खादा ओढाएर बिदाइ गरेका थिए ।

 बुद्धको करणाको संदेश सरकार समक्ष पुर्‍याउन मायादेवीबाट पदयात्रा सुरु गरिएको अभियन्ता ईःले जानकारी दिए । यात्राका क्रममा बाटोमा पर्ने ग्रामीण क्षेत्र र सहरमा रहेका सडक व्यवसायी र अनौपचारिक क्षेत्रमा आवद्ध व्यक्तिसित छलफल र अन्तर्क्रिया गरेर समस्या संकलन गरिने अभियन्ता ईःले जानकारी दिएका छन् । ‘करुणा र सहानुभूतिका संदेश सिंहदरबारसम्म पुर्‍याउन चाहन्छौं,’ ईःले भने, ‘९ दिनसम्म हिंडेर सिंहदरबारसम्म पुग्ने बताएका छन् l 

पहिलो दिन माघ २८ गते मायादेवीबाट रुपन्देहीको तिलोत्तमासम्म पुगेर विश्राम गर्दै आज माघ २९ गते  पश्चिम नवलपरासीको सुनवल,  रामनगर रहेको छ l  सहरी गरिबको व्यवस्थापन गर्न सरकारले निर्देशन दिनुपर्ने, सहरी गरिबको पक्षमा कार्यक्रम ल्याउनुपर्ने र दीर्घकालीन व्यवस्थापनका लागि कानुन संसोधन गर्न अनुरोध गर्ने लगायतका मागहरू छन् । यस अघि पनि आमरण अनशन, उभिएर धर्ना र पदयात्रा जस्ता कार्यक्रम गर्दै आइरहेका ‘ईः चर्चित अभियन्ता हुन् l ‘ईःलाई नौ दिन सम्म नै साथ दिने अर्का अभियन्ता चाउको प्रतिवद्दता छ भने बिच बिचमा स्थानीय अभियन्ता र साथीहरूको साथ् र सहयोग पनि मिलिरहेको र अन्तिमसम्म मिल्ने चाउको दावी छ l 

पैदलयात्रीद्वारा जारी लुम्बिनी सिंहदरवार ९ दिने पदयात्राको अपिल र कार्यक्रमहरू यस प्रकार छन् :

पैदल यात्राका तस्बिरहरू चाउले उपलब्ध गराएका हुन् l