माघ, २७ शनिबार

 बर्दिवासमा सम्पन्न प्रगतिशील लेखक प्रगतिशील लेखक सङ्घको दोश्रो प्रदेश सम्मेलनबाट  प्रगतिशील लेखक सङ्घ मधेस प्रदेशको अध्यक्षमा नारायण घिमिरे चयन भएका छन् । शनिबार बर्दिवासमा सम्पन्न सङ्घको दोश्रो प्रदेश सम्मेलनबाट घिमिरे सर्वसम्मत अध्यक्षमा चुनिएका हुन्  । प्रगतिशील लेखक सङ्घ नेपालका महासचिव डा. देवी दुलालको प्रमुख आतिथ्यता र मधेस प्रदेश सभा सदस्य माननीय शारदादेवी थापाको विशिष्ट आतिथ्यतामा सम्पन्न भएको थियो l सो कार्यक्रमको अध्यक्षता प्रगतिशील लेखक सङ्घ नेपालका उपमहासचिव तथा मधेस प्रदेश इन्चार्ज बालमुकुन्द कार्कीले गरेका थिए ।

सम्मेलनले १७ सदस्यीय प्रदेश कमिटी गठन गरेको छ । समितिको उपाध्यक्षमा धनुषाबाट किरण झा, रुद्रसेन विश्वकर्मा,सचीव भिम कुमार राउत,सहसचिव मिना देवकोटा,कोषाध्यक्ष फुलगेन मगही, सदस्यहरुमा भैरव प्रसाद गेलाल,चन्द्रमणी पौडेल,मुरली प्रसाद यादब, मुकुन्द पौडेल,विजय रिजाल,जीवसी उदासी लगायत सबै सदस्य तथा पदाधिकारी सर्वसम्मत रूपमा चयन गरिएको निर्वाचन समितिका संयोजक सङ्घका उपमहासचिव तथा मधेस प्रदेश इन्चार्ज बालमुकुन्द कार्कीले जानकारी दिएका छन् 

 मधेसका ८ वटै जिल्लाबाट दुई दुई जना रहनेगरी समिति गठन भएको कार्कीले बताए । नवनिर्वाचित अध्यक्ष घिमिरेले मधेसमा प्रगतिशील लेखक सङ्घको भूमिका अब सशक्त हुने बताएका छन् । सामाजिक अन्यायका विरुद्ध प्रगतिशील लेखकका कलम चल्ल जरुरी रहेकाले अब मधेसमा रहेका बेथिति विरुद्ध कलम चलाउने र काम गर्ने घिमिरेले बताए । सम्मेलनमा नेपालमा बामपंथी एकता नभएकोप्रति  वक्क्ताहरूले चिन्ता व्यक्त गरेका थिए l 

प्रगतिशील साहित्य विचार प्रधान हुने भएकाले विचार विनाको साहित्य प्रगतिशील हुन नसक्ने सङ्घका केन्द्रिय महासचिव डाक्टर देवी दुलालले बताए । विचार र कला मार्फत समाजमा सकारात्मक रूपान्तरण ल्याउन सक्नु प्रगतिशील लेखन र साहित्यको मुल मर्म भएको दुलालले बताए । नवनिर्वाचित समितिलाई बदिवास उद्योग वाणिज्य संघका महासचिव उत्तम श्रेष्ठ, प्रगतिशील लेखक सङ्घ नेपालका केन्द्रीय सदस्य जीवन स्पर्शी, बोधराज घिमिरे, माधव पोखरेल, प्रेम घिमिरे, नेपाल पत्रकार महासङ्घ महोत्तरी शाखाको कार्यवाहक अध्यक्ष सुनिता बराल, मिथिला नगरपालिकाकी उपमेयर सुनिता बुढाथोकी लगायतले शुभकामना दिएका थिए ।
सम्मेलनमा मधेस प्रदेश,वागमती प्रदेश र कोशी प्रदेशबाट प्रगतिशील लेखक तथा साहित्यकारहरूको बाक्लो  उपस्थिति रहेको थियो ।