रूकुम पश्चिम, मङ्सिर, २० 

 रूकुम पश्चिम अदालतले २०७७ जेठ १० गते नवराज विकलगायत ६ जनाको जातीय नर संहारमा संलग्न २४ जना विरुद्ध मङ्सिर १९ गते आजीवन कारावासको सजाय सहित भएको फैसला सुनाएको खुशियालीमा आज अदालत गेट बाहिर फूलमाला बर्साएर रुकुमेली जनताले अदालतप्रति आभार प्रकट गरेका छन् l उक्त फैसला जिल्ला न्यायाधीश माननीय खड्गबहादुर केसी नेतृत्वले गरेको हो l 

अदालत गेट बाहिर बाजागाजा सहित उपस्थित स्थानीय र ज्यान गुमाएका परिवारका सदस्यहरूले 'छोरा मर्यो; न्याय मरेन, अदालतलाई धन्यवाद'को नारा सहित नगर परिक्रमा गरेका छन् l न्याय पाएको खुशियालीमा हर्ष विभोर भएका स्थानीय सँगै 'दलितका लागि दलित, आफ्ना लागि आफै'का प्रमुख खगेन्द्र सुनारलगायत अन्य पत्रकार अगुवा र समाजका लब्ध प्रतिष्ठितहरूले अदालतको गेट बाहिर फूलवर्षा गर्दै भुइँ ढोगेर कृतज्ञता प्रकट गरेका छन् l गेटमा फूलवर्षा पछि भएको कोण सभामा खगेन्द्र सुनारले सबैप्रति धन्यवाद ज्ञापन गरेका थिए l त्यस्तै संयुक्त आन्दोलन सङ्घर्ष समितका अध्यक्ष यज्ञ परियार रूकुम सोतीको घटनाको विगत र वर्तमानको चर्चा गरेका थिए l   

न्याय गरे फूल श्रद्दापूर्वक चढाउँछौ l अन्यया गरे ढुङ्गा बर्साएर जेल जान्छौं भनेर सुनुवाई चलुन्जेल खगेन्द्र सुनारको नेतृत्वमा चारै प्रहर अदालत बाहिर धर्ना र नारा जुलुस चलेको थियो l 

कृतज्ञता ज्ञापन गर्ने यो तरिकाले न्यायको बत्ती निभ्न नदिने न्यायकर्मीहरूको मनोवल उच्च रहने छ l