बाँके, कार्तिक, १९ 

जाजरकोटको भूकम्पले घाइते विरामीहरूको उपचारको लागि डाक्टर गोविन्द केसी नेपालगंजस्थित भेरी अस्पताल पुगेका छन्। भूकम्पबाट घाइतेहरूको उपचारका लागि डा. केसी आइतबार भेरी अस्पताल पुगेका हुन्।

आज बाँके अस्पताल पुगेका केसीले उपचाररत विरामीहरूको स्वास्थ्य रिपोर्ट हेरेर उपचारमा संलग्न भएका छन् र हाडजोर्नीको समस्या भएका विरामीको बारे विस्तृत जानकारी लिएका छन् l भेरी अस्पतालमा हालसम्म ३९ जना घाइते उपचारको क्रममा ल्याइपुर्याइएको छ l 

विरामीको अवस्था र आवश्यकता अनुसार बसेर उपचार गर्ने कुरा डाक्टर केसीले बताएका छन् l

उपचारको लागि भेरी अस्पताल पुगेका केसीलाई पत्रकारहरूले प्रश्न गरेर घेर्न र फोटो खिच्न थालेपछि आफूलाई उपचार गर्न दिन र विरामीहरूको स्वास्थ्य संवेदनशीलता बुझ्न आग्रह गर्दै केसी झर्किएका छन् l 

akabaraey.com परीक्षण प्रसारणमा छ l