काठमाडौँ, असोज १९

राष्ट्रपति रामचन्द्र पौडेलसँग विवेकशील साझा पार्टीका पदाधिकारीहरूले भेट गरेका छन् l भेटमा विवेकशील साझाका नेताहरूले संवैधानिक  संस्थाहरूको गरिमा वचाउन आग्रह गरेका छन् l 

सो दलका प्रतिनिधिहरूले सङ्घीय लोकतान्त्रिक गणतन्त्रको स्थायित्व र संबर्धनका लागि यसका आधार स्तम्भहरू  राष्ट्रपति, अदालत तथा संवैधानिक निकायहरूको गरिमा वचाईराख्न राष्ट्रपतिलाई विशेष ध्यानाकर्षण गराएको छ l 

लोकतन्त्रको संस्थागत विकास र नागरिकको संबृद्धिको चाहना साकार पार्न संबैधानिक संस्थाहरुको भूमिका उल्लेख्य रहने भएकाले ती संस्थाहरुलाई दलियकरणवाट मुक्त गर्नु पर्ने विवेकशील साझा पार्टीको ठहर राष्ट्रपतिलाई अवगत गराएको थियो।

प्रतिनिधि मण्डलले संबिधानको रक्षार्थ र प्रभावकारी कार्यान्वयनमा जोड दिँदै सबै दलहरूलाई राष्ट्रिय  सहमतीमा ल्याउने पहलकदमीका लागि भूमिका निर्वाहका लागि अनुरोध समेत गरेको छ। सो अवसरमा राष्ट्रपति पौडेलले सात दशक लामो संघर्षबाट प्राप्त नेपालको संविधानको रक्षा र संवर्धन गरेर मुलुकको संबृद्धिमा सम्पूर्ण ध्यान केन्द्रित गर्नुपर्ने धारणा राख्नुभएको  र प्रतिनिधि मण्डलमा अध्यक्ष समीक्षा बाँस्कोटा, उपाध्यक्ष प्रकाशचन्द्र परियार, बिमला अधिकारी र केन्द्रीय सदस्य डाक्टर सुशील साह रहनु भएको कुरा विवेकशील साझा पार्टीका प्रवक्ताद्वारा प्रेषित प्रेस नोटमा जानकारी गराइएको छ l