पूर्वमन्त्री तथा गणतान्त्रिक योद्दा खेमराज मायालुको निधन भएको छ l 

को हुन् खेमराज भट्ट ?

खेमराज भट्ट मायालु २०३० सालतिर  स्वर्गीय रामराजाप्रसाद सिंहसँग मिलेर जनवादी मोर्कोचा गठन गरेको थिए त्यो भन्दा अघि उनको राजनीतिक पृष्ठभूमि  कांग्रेस निकट थियो l उनी  मोर्चाबाट २०५३ सालमा फेरि नेपाली काँग्रेसमै  प्रवेश गरेका थिए ।

२०५८ सालमा गठित शेरबहादुर देउवा नेतृत्वको सरकारमा सामान्य प्रशासनमन्त्री भएका खेमराज पञ्चायती व्यवस्थाविरोधी आन्दोलनका क्रममा पटकपटक जेलसमेत परेका थिए । मायालु २०७० मा एकीकृत माओवादीमा प्रवेश गरेका थिए l

२०४२ कोसिहदरबार बम काण्डमा रामराजाप्रसाद सिंहसँगै सर्वस्व हरणसहित मृत्युदण्ड सुनाइएका पूर्वमन्त्री मायालुको हिजो राति २०८० असोज ४ गते  १० बजेर २५  मिनेट जाँदा निधन भएको कुरा उनका छोरा भट्ट आकाशले  पुष्टि गरेका छन् l साथै आज विहान ७ बजे पशुपति आर्यघाटमा अन्त्यष्टि हुने पनि जानकारी गराएका छन् l 

 क्यान्सर  रोगबाट पीडित खेमराजलाई वीर अस्पतालमा केही हप्ता अघि चौथोपटक किमो दिइएको थियो l प्रजातन्त्र र गणतन्त्र प्राप्तिको लागि स्वर्गीय मायालुको योगदान स्मरणीय छ l