काठमाडौँ,भाद्र,१७ 

काठमाडौँ महानगरपालिकाका मेयर बालेन शाहकी श्रीमती एक साताअघि नै डेलिभरी भएको तथ्य बाहिर आएको  छ । आईभीएफ प्रविधिमार्फत बालेन पत्नी सविना काफ्लेले दुई छोरीलाई जन्म दिएकी  तर, जन्मपछि दुईमध्ये एक बच्चालाई भने बचाउन नसकिएको अस्पताल स्रोतले जनाएको छ । 

 यस्तै अर्को बच्चाको स्वास्थ्यमा केही समस्या भएपछि ललितपुरको मेडिसिटी अस्पतालकै एनआईसीयूमा उपचार भइरहेको अस्पताल भनाइ छ । बच्चा अस्पतालमै रहेपनि सविना भने दुई दिनअघि नै डिस्चार्ज भएर घर आएकी हुन्  । बच्चा अस्पतालमा रहेकाले सविनासहित बालेनको परिवारका सदस्यको अस्पतालमा आउने जाने क्रम चलिरहेको र हिजो पनि सोही क्रममा सरकारी गाडीमा सविना भेटिएकी हुन् l 

 मेडिसिटी अस्पताल स्रोतले सविनाको एक साताअघि नै डेलिभरी भएको पुष्टि गर्यो । ‘उहाँ डेलिभरी भएको एक साता भइसक्यो । हामीलाई उहाँहरुले बाहिर केही नलैजानु भन्नुभएकाले धेरै भन्न मिल्दैन’, मेडिसिटीका एक कर्मचारीले आफ्नो नाम उल्लेख नगर्न भन्दै जानकारी दिए l ‘बच्चा अस्पतालमै छ । सविनाज काफ्लेको  पनि दुई दिनअघि डिस्चार्ज भएको हो ’

काठमाडौँ महानगरपालिकाका मेयर बालेन शाहले सिंहदरबारमा आगो लगाउने भन्दै शनिबार राति विवादास्पद अभिव्यक्ति दिएपछि उनको आलोचना भइरहेको छ । उनले महानगरपालिकाको गाडी ट्राफिक प्रहरीले रोकेपछि आक्रोश पोख्दै सिंहदरबारमा आगो लगाइदिने धम्की दिएका थिए । 

 बालेनको चेतावनी :  सिंहदरबारमा आगो लगाइदिन्छु l 
उनले सामाजिक सञ्जालमार्फत भनेका थिए, ‘आजको लागी केही भएन, भोलिबाट हाम्रो महानगरपालिकाको कुनै पनि गाडी सरकारबाट रोकियो भने , सिंहदरवारमा आगो लगाइदिन्छु । याद राख चोर सरकार ।’

उपत्यका ट्राफिक प्रहरी कार्यालयका एसएसपी राजेन्द्र प्रसाद भट्टले कोटेश्वरमा नियमित चेकजाँचमा महानगरपालिकाको गाडी परेको जानकारी दिइएको छ l 

पासबिनाको गाडी पाइएपछि सामान्य सोधपुछ गरेर छाडिएको थियो  । ‘सरकारी गाडी शनिवार चलेको हुनाले सोधपुछ गरिएको हो ।  विदाको दिन पास छ कि छैन भनेको हो । नभेटिएपछि चालकको लाइसेन्स हेरेर पास बोकेर हिँड्नु भनेको हो’, स्रोतले भन्यो l  

 बालकुमारीतर्फबाट आएको गाडी कोटेश्वरमा चेकजाँचमा परेको थियो ।  हिजो साँझ ८ बजेर ५० मिनेटमा सो गाडी चेकमा परेको थियो । सो गाडीमा सविना सवार थिइन् । लगत्तै बालेनले फेसबुकमा आक्रामक अभिव्यक्ति दिएका हुन् । 

बालेनको अभिव्यक्तिलाई लिएर आलोचना भइरहेको बेला आइतबार बिहान उनको पुत्रीलाभ भएको भनेर सार्वजनिक गरिएपनि एक साताअघि नै सविना डेलिभरी भएको पाइएको हो । यता बालेनको आक्रोशलाई सविना डेलिभरीको लागि अस्पताल जान लागेको र हिजो बेलुकी नै पुत्रलाभ भएको चर्चा चलाइएको छ l  सोही आक्रोश सामाजिक संजालमा आएको भनेर चर्चा गरिएको छ l कतिले बालेन आक्रोशलाई सामान्यरूपमा लिएका छन् भने कतिले पदीय मर्यादा बिर्सेर बोलेको भनेर आलोचना गरेका छन् l 

akabraey.com परीक्षण प्रसारणमा  छ l