काठमाडौँ, भाद्र, १५ 

नेपालको स्वास्थ्य शिक्षा र अन्य सार्वजनिक सरोकारको  विषयमा २०६९ असार २१ देखि २०७८ असोज २५ सम्म २० पटक दुई सय ५५ दिन भन्दा बढी आमरण अनशन ( सत्याग्रह ) बसीसकेका डाक्टर गोविन्द केसीले सरकारलाई पुन अनशन बस्ने अल्टिमेटम सहित प्रेस्विज्ञाप्ति जारी गरेका छन् l चिकित्सा शिक्षा आयोगमा उपाध्यक्ष छनौटमा हुने चलखेल र अराजनीतिक दाउपेचलाई सङ्केत गर्दै त्यहाँ गडबडी गर्न नदिन र योग्य सक्षम,भ्रष्टाचारमा नमुछिएको व्यक्तिको नियुक्ति गरी स्वार्थको  खेल रोक्न ध्यानआकर्षण गराएका छन् l  गत साउन २९ देखि गर्ने भनेको अनशन सरकारको तर्फबाट आएका सार्वजनिक प्रतिवाद्द्ताको कारण स्थगित  गरेको भए पनि ती प्रतिवाद्द्तामा सरकार अड्न नसकेमा आफ्ना माग र ध्यानाकर्षण पूरा नभएमा पूर्व घोषित अनशन (सत्याग्रह) भाद्र २९ देखि गर्ने  चेतावनी  पनि विज्ञप्तिमा उल्लेख गरेका छन्  l डाक्टर गोविन्द केसीद्वारा जारी प्रेसविज्ञाप्ति जस्ताको त्यस्तै  : 

चिकित्सा  शिक्षा आयोगको उपाध्यक्ष छनोटका लागि हाल चिकित्सा शिक्षा ऐनबमोजिमको प्रक्रिया चलिरहेको छ । उक्त प्रक्रियामार्फत सिफारिस समितिले योग्यतम उमेदवारहरुलाई छनोट गर्ने विश्वास हामीले लिएका छौं ।

यसबीच केही गम्भीर अनियमिततामा मुछिएका, प्रतिष्ठान सञ्चालन गर्दा भ्रष्ट र असफल प्रमाणित भएका तथा स्वार्थको द्वन्द्व हुने व्यक्तिहरुले समेत उमेदवारी दिएको देखिन्छ । त्यसबाट निजी मेडिकल कलेजका सञ्चालकहरु तथा अन्य स्वार्थ समुहहरुले आयोगलाई निशाना बनाएको देखिन्छ ।

चिकित्सा शिक्षा आयोग स्थापनापछिको पहिलो चार वर्षे अवधिमा अनेक खाले राजनीतिक हस्तक्षेप, पदाधिकारीहरुमाथिको आपराधिक गुण्डागर्दी र अवरोधका बाबजुद आयोगले चिकित्सा शिक्षा सुधारमा उल्लेख्य काम गर्न तथा आयोगको स्वायत्तता कायम राख्न सफल भएको छ । अब आएर भ्रष्ट वा स्वार्थको द्वन्द्व हुने व्यक्ति उपाध्यक्ष बनेमा ती सबै उपलब्धि उल्टिने जोखिम छ ।

त्यस्ता उमेदवार पदाधिकारीका रुपमा छानिएमा त्यसले चिकित्सा शिक्षा ऐनको परिकल्पना विपरीत नेपालको मेडिकल शिक्षालाई गुणस्तरहीन र धराशायी बनाउने जोखिम रहेको छ । त्यसैले त्यस्ता उमेदवारहरुको सम्पूर्ण पृष्ठभुमि बुझेर आवेदन दिएकामध्ये इमान्दार छवि, र अब्बल कार्यक्षमता भएका तथा कुनै स्वार्थको द्वन्द्व नभएका योग्यतम उमेदवारहरु मात्रै छनोट गर्न र तिनमध्येबाट उपाध्यक्षको नियुक्ति गर्न सम्बन्धित सबैको ध्यानाकर्षण गराउँछौं ।

साथै हामीले विभिन्न मागहरु राखेर यही साउन २९ गतेबाट सत्याग्रह शुरु गर्न लागेकोमा सरकारका तर्फबाट विभिन्न प्रतिबद्धताहरु आएपछि एक महिनाका लागि सत्याग्रह पछि सारेका थियौं । ती प्रतिबद्धताहरु कार्यान्वयन नभएमा सही भदौ २९ गतेबाट सत्याग्रह शुरु गर्ने जानकारी पनि गराउँछौं ।

डा गोविन्द केसी २०८० भदौ १५

akabaraey. com. परीक्षण प्रसारणमा छ l