प्रिय कमरेड माधव नेपाल
अभिवादन !
आफ्नै बैज्जती हुने कारबाही त नगरेको भए पनि हुने कमरेड? केही अर्थ छ र अब पनि कारबाहीको? लोकले के भन्ला भन्ने पनि लागेन र ? तपाई सबै कालखण्ड गरेर १९ वर्ष पार्टी प्रमुख बाँकी समय पार्टी प्रमुखलाई चलाउने र नियन्त्रण गर्ने ज़िम्मेदारीमा बसेर काम गर्नु भयो । यो अन्तिम घटनाले तपाईको ईतिहासलाई फेरि बल्झायो । विर्सेकाहरूले सबै घटना स्मृतिमा लिने भए ।
जिन्दगीमा के लानु छ कमरेड ? समाज र देशको लागि जीवन/जवानी अर्पण गरेको व्यक्तिले । लाने त यति त हो एउटा मिठो वा तितो स्मृति, चिया पसलमा पुग्दा बोल्ने दुई जना मान्छे । आफ्नै मलामी त कसले पो देख्छ र ? हार्दिक धन्यवाद यो अन्तिम कर्मको लागि ।
बाँकी जीवनको सुखद होस, परिवारमा शान्ति र शुस्वास्थ्यको हार्दिक शुभकामना । तपाई जहाँ रहे पनि हाम्रो अभिभावको हो। मैले यसरी सधै सम्झने छु ।

स्मरणीय : माधवकुमार नेपालको एकीकृत समाजवादी पार्टी माओवादीसँग एकीकरणमा गए पछि उक्त पार्टीमा जान इन्कार गरेकी रामकुमारी झाँक्रीले आफ्नो फेस बुकमा माधव नेपाललाई लेखेको चिठी झाँक्रीको फेसबुकबाट साभार गरिएको हो l यस अघि नै सार्वजनिक भएको झाँक्रीको फोटो पनि फायल फोटो हो l - सम्पादक